Црна хроника
Приведен велешанец познат препродавач на дроги
Дваесет и осум годишниот велешанец М.В. ќе заработи кривична пријава откако полицијата од неговиот дом запленила 70 грама марихуана, екстази и куршуми
Полицијата по наредба на истражен судија од Основниот суд, во четвртокот извршила претрес во домот на влешанецот и пронашла 70 грама сува материја марихуана, пакувана во најлонско кесе, една таблета екстази како и девет куршуми од различен калибар и други предмети.Полицијата ги одзела предметите и ги достави за вештачење во одделот за криминална техника при Министерството за внатрешни работи. Лицето е приведено и по извршениот разговор е задржано за натамошна истрага.Портпаролот на СВР Велес, Анита Стојковска информираше дека по добивањето на анализите од вештачењето и целосното документирање на случајот, против М.В. ќе биде поднесена кривична пријава до Основното јавно обвинителство.Инаку М.В. на велешката полиција и е познат од поодамна за сторени кривични дела од областа на недозволена трговија со дрога.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.