Регион
Црна Гора: Загриженост поради масовното иселување од северот на земјата

Црногорската Социјалдемократска партија (СДП) предводена од Ранко Кривокапиќ, која е дел од владејачката коалиција, побара во вторникот од владата итно да започне да се занимава со прашањето на масовното иселување на граѓаните од северниот дел на земјата во западноевропските држави и да објави кои мерки ќе ги преземе да се спречи оваа појава, и овој проблем како приоритет да се разгледува во парламентот.
„Владата на Црна Гора итно треба да ја извести јавноста колку граѓани од северниот дел на државата од почетокот на оваа година досега заминале во други земји и во кои, колку од нив се иселиле во однос на минатата година, како и колку вкупно граѓани го напуштиле тој региони целата мината година“, изјави во парламентот пратеникот на црногорските социјалдемократи, Дамир Шеховиќ.
Црногорските медиуми објавија загрижувачки податоци од невладиниот сектор коишто укажуваат дека за четирите месеци од 2015 година се иселиле 3.500 лица, во земјата со вкупно околу 630.000 жители, главно во земјите од Бенелукс, со образложување дека „мора да го спасуваат своето семејство од глад“, дека со години немаат работа, како и дека во посочениот регион „не гледаат перспектива“.
Предлогот на СДП го поддржа и опозицијата, а во реакцијата на Социјалистичката народна партија (СНП), се истакнува дена е неверојатно и парадоксално дека токму северниот дел од Црна Гора, односно помалку развиениот регион, е токму подрачје коешто располага со најмногу ресурси и компаративни предности.
„Суровата црногорска економска реалност, гладот, немаштијата, непостоењето основни услови за достоинствен живот, натераа повеќе илјади граѓани, без оглед на верската и националната определеност, спасот да го побараат далеку од своите огништа“, се наведува во соопштението на црногорските социјалисти.
Опозициската СНП оценува дека доколку претставниците на парламентарното мнозинство ќе реагираат соодветно на оваа појава, тоа ќе биде клучен доказ дека станува збор за систематско оневозможување да се создадат достоинствени услови за живот на граѓаните во тој дел од земјата, повикувајќи ја власта да се ангажира да го запре „економскиот прогон“ од северот на Црна Гора./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Дете се удави во базен во Загреб

Вчера во објект за изнајмување со базен, се удави дете, соопшти загрепската полиција.
Надлежните соопштија дека на детето му била укажана медицинска помош на местото на настанот а потоа и во Клиничкиот болнички центар во Загреб, каде што починало.
„За да се избегнат трагични настани и да се зголеми безбедноста на пливачите, ги потсетуваме граѓаните да користат добро одржувани места за пливање кои се под надзор на професионални служби.
Сакаме да ги предупредиме пливачите за потенцијалните опасности и да дадеме совети за тоа како да се однесуваат во местата за пливање. Затоа, за да избегнеме трагични сценарија, советуваме и предупредуваме:
не пливајте најмалку еден час по оброк – една од најчестите грешки што многумина од нас ги прават е влегувањето во вода по оброк,
не пливајте ако сте консумирале алкохол – консумирањето алкохол е еден од главните фактори на ризик за давење, како кај младите, така и кај возрасните,
една од вообичаените грешки што многумина од нас ги прават е тоа што по долг престој на сонце, влегуваме во водата за да се освежиме и разладиме. Секогаш треба постепено да влегувате во водата, давајќи му шанса на вашето тело да се подготви и да се адаптира, без разлика колку е топло морето или друга водена површина. Во спротивно, телото ќе доживее шок,
не скокајте во вода со непозната длабочина – можни се сериозни повреди,
ако не сте целосно здрави, не пливајте на затскриени места, а доколку страдате од некои хронични и сериозни болести, избегнувајте пливање на затскриени и небезбедни места; бидете во близина на луѓе, за да можат да ви помогнат доколку е потребно,
ако имате деца, постојано внимавајте на нив – родителите никогаш не треба целосно да се опуштат, дури ни кога пливаат; децата треба да бидат под постојан надзор и да се осигурат за нивната безбедност; меѓу луѓе и во толпи, децата лесно се губат, исто како што лесно можат да се удават во плитка вода; исто така, никогаш не сметајте на постаро дете само да се грижи за помлад брат или сестра; безбедноста на детето е ваша одговорност, надгледувајте ги вашите деца, дури и ако знаат да пливаат,
запомнете дека пливањето во свежа вода е понапорно од пливањето во море (грижете се за ова) и водата често може да биде поматна, па затоа децата потешко ја перцепираат длабочината,
непливачите или послабите пливачи дефинитивно треба да користат помагала за пливање,
избегнувајте пливање сами,
пливајте во близина на спасувачи и следете ги упатствата и знаците на спасувачите
доколку се појават проблеми, останете смирени, доколку забележите некого во неволја во водата, веднаш пружете или побарајте помош и јавете се на надлежните служби.
Реките се најопасни бидејќи течат, често имаат вртлози, потоа се сечат и често го менуваат текот.
Езерото има ненадејни промени во длабочината и температурата, односно температурата во езерото е потопла на површината и постудена на длабочина. Голем проблем за пливачите понекогаш е вегетацијата во која се заплеткуваат, а поради паниката што може да се појави, можат да се удават“, објави полицијата.
Регион
Борисов: Бугарија ќе се вклучи во процесот на обнова на Украина

Бугарија ќе се приклучи на процесот на обнова на Украина. Ова го изјави лидерот на ГЕРБ, Бојко Борисов, на средба со амбасадорот на Украина во Бугарија, Олесја Илашчук.
Лидерот на ГЕРБ ја прогласи способноста на Бугарија да придонесе во сектори, како што се енергетиката, трговијата и инфраструктурата.
„Разговаравме и за развојот на воените операции на територијата на Украина. Украина има категорична поддршка од Бугарија за нејзината европска перспектива“, изјави Бојко Борисов.
Регион
(Видео) Таксист се залета со возилото во демонстранти во Смедерево

Додека граѓаните мирно преминувале пешачки премин во Смедерево, возач на такси налетал на луѓе.
Smederevo, taksi nosi coveka na haubi. Tablice: Sd 0814 tx pic.twitter.com/8rAciLoxVe
— Petar Petrovic (@tombomn) July 4, 2025
Притоа еден граѓанин бил собран од возилото и се возел на хаубата околу 200 метри, јавува репортер на Н1.
Од утрово продолжуваат блокадите низ цела Србија, а неколку студенти беа уапсени на ливада пред Факултетот за драмски уметности во Белград.
Исто така беше приведен и граѓанин во Крагуевац кој одбил да даде документи за идентификација на српската полиција.