Црна хроника
Масовна тепачка во Идризово
Затвореници од албанска националност од отвореното одделение на затворот во Идризово синоќа околу 22 часот нападнале затвореник од ромска националност кој се здобил со повреди по главата и телото, соопштуваат од МВР
Петтемина затвореници влегле во собата на повредениот затвореник и го нападнале. Во негова одбрана застанеле неколкумина други затвореници при што настанала масовна тепачка.Во тепачката биле користени метални шипки, дрвени палки, ногарки од маси, ножеви и други предмети.Во паника другите затвореници почнале да бегаат преку прозорецот каде што биле пречекани и нападнати од друга група затвореници.Обезбедувањето веднаш реагирало и по кратко време ситуацијата била ставена под контрола. Двајца од затворениците завршиле во Ургентниот центар, а во Градската болница тројца затвореници, кои по укажаната лекарска помош биле вратено во затворот.Само еден од повредените е задржан во арестанското одделение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж од Валандово најден починат дома, ќе се прави обдукција
Вчера во 18.30 часот во полициската станица Валандово било пријавено дека во својот дом во градот бил пронајден починат Б.Е.(56), соопшти МВР.
Лекар од итна медицинска помош констатирал смрт, а по наредба на јавен обвинител телото на починатиот било дадено на обдукција.
Црна хроника
Притвор и кривична пријава за убиство доби осомничениот маж од Стајковци
СВР Скопје поднесе кривична пријава против Љ.К.(66) од скопското село Стајковци поради постоење основи на сомнение за сторено кривично дело „убиство“ по член 123 од Кривичниот законик.
Како што информира денеска МВР, Љ.К. се сомничи дека на 14 мај 2024 во домот во село Стајковци со метален предмет ги нападнал неговиот брат В.К. (64) и неговата снаа С.К. (57), кои од здобиените повреди починале на местото.
Лицето било изведено пред судија на претходна постапка, кој му определил мерка притвор во траење од 30 дена.
Топ
Бебе почина во болница во Охрид
Вчера во СВР Охрид, пријавено е дека во 8.10 часот во Општа болница во Охрид починало деветмесечно бебе.
Бебето претходно во Службата за итна медицинска помош било донесено во неконтактибилна состојба. Увид бил извршен, а по наредба на јавен обвиниел телото е дадено на обдукција, информираат од СВР Охрид.
Пред неколку дена, на 14 мај 2024 година, почина седуммесечно бебе од Вевчани во специјалната болница за ортопедија и трауматологија „Св.Еразмо“ по извршен хируршки зафат.
Бебето било донесено во болница од неговата мајка. Според пријавеното, било примено во болницата со хематом на главата и по констатирано мозочно крварење веднаш била извршена операција.
Според изјавата мајка, повредите бебето ги добило откако паднало од импровизиран кревет во семејниот дом во Вевчани.