Црна хроника
Уште едно бегство на малолетници од воспитно поправниот дом во Тетово

Уште едно бегство се случило вчера во воспитно поправниот дом во Тетово, соопштуваат од министерството за правда
Тројца малолетници кои биле казнети поради извршени кражби, вчера околу 18:30 часот избегале од отворениот дел на Воспитно поправниот дом во Тетово. Поради најновото бегство, директорот на установата ги суспендираше заповедникот на Секторот за обезбедување, Живко Андоновски и уште четворица надзорници бидејќи им го овозможиле бегството на малолетниците. „Овие лица во вечерните часови на 03.11.2010 година со непочитување на правилата и прописите за вршење на службата, овозможиле тројца малолетници на кои им е изречена воспитна мерка упатување во воспитно поправен дом за сторени кражби, околу 18 и 30 часот незабележано да се оддалечат од Отворениот дел на Воспитно поправниот дом Тетово, иако биле должни да се грижат за безбедноста на Домот и за безбедноста на малолетните лица и да ги почитуваат правилата и прописите за вршење на службата“ се вели во соопштението на министерството за правда. Вчера попладне во исто време од казнено – поправниот дом во Велес побегнаа тројца малолетници. Полицијата се уште трага по нив. Ова е петто бегство од македонските затвори за само десеттина дена. Се уште се трага по петмина бегалци од затворите во Битола, Тетово и Штип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.