Здравје
Ординацијата „д-р Анчевски“ ја одбележува десетгодишнината со нова единствена палета ласерски техники
По повод десетгодишниот роденден, дерматолошко естетската ординација „д-р Анчевски“, го одбележа јубилејот со палетата ласерски техники збогатена и со ласери за отстранување на тетоважи, за третман на габични инфекции на нокти, за третирање на попуштени вени и капилари и ласерска техника за освежување на лицето – Clearlift.
Пред една деценија, дерматолошко естетската ординација „д-р Анчевски“ започна со работа поставувајќи си цел постојано да наметнува повисоки стандарди во своето професионално поле, а како резултат на тој пристап стручниот тим зад себе има повеќе од 70.000 задоволни пациенти од земјава и од странство.
Податоците говорат дека 7.000 луѓе годишно, во просек 30 до 40 пациенти секој работен ден, минуваат низ ординацијата и прават прегледи и третмани од областа на дерматологијата, естетско-козметичка дерматологија и дерматохирургијата. Тимот на „д-р Анчевски“, во вторникот во „Light Cafè“ во Скопје, го одбележа јубилејниот десетти роденден, и по тој повод ги изненадува своите пациенти со третмани по промотивни цени. Воедно се збогатува палетата со нови ласери меѓу кои и оној за остранување на тетоважи кој првпат се носи во Македонија.
Стручниот тим е составен од тројца специјалисти дерматовенеролози, кои се имаат обучувано во познати светски центри и постојано се надоградуваат во своето професионално поле. Ординацијата се состои од три дела: центар за дерматовенерологија, естетско корективна дерматологија и центар за нега и третмани на коса со дерматохирургија. Во изминатите десет години, „д-р Анчевски“ воведе техники кои беа и останаа единствени во Македонија.
„Во делот на дерматовенерологијата покрај спроведување на прегледи и терапии на сите кожни заболувања, дијагностика и третмани на периферни крвни садови, алерголошки тестирања и озонотерапија којашто ексклузивно се работи само кај нас, се врши и компјутерирана дерматоскопија на бемки и нивно отстранување и радиобранова терапија. Компјутеризираната дерматоскопија е најсовремена техника за анализа на бемки и други пигментни промени. Додека еден од најсофистицираните начини за отстранување на кожни промени со најмала траума и белези на ткивото и со најбрза регенерација е радиобрановата техника која што ексклузивно се работи во нашата ординација“, информираа од имот на средбата со новинарите.
Во делот на естетската дерматологија се предлагаат современи процедури за корекција на брчки и ремоделирање на лице со ботокс и различни типови филери според индивидуалните потреби (филери за пополнување усни, филери за пополнување јагодици, филери за пополнување образи, врат и раце), како и освежување со мезотераписки коктели, ПРП и комбинација на ласерски техники.
Во центарот за нега и трансплантација на коса се спроведуваат третмани за нега на косата, ласерски третмани, мезотерапија, ПРП за спречување на опаѓање косата и пресадувања коса. Во дерматохирургијата се спроведуваат мали дерматохируршки интервенции.
По повод 10-годишниот роденден, палетата од ласерски техники се збогатува и со ласери за отстранување тетоважи, за третман на габични инфекции на ноктите, за третирање на попуштени вени и капилари и со техника за освежување на лицетео – или Clearlift.
Споредувајќи ја ситуацијата пред една деценија и сега, впечатокот е дека Македонците денес многу повеќе се отворени кон естетските и козметичките третмани кои некогаш беа табу тема.
„На пример, ласерското отстранување на влaкна на почетокот беше со скромен број пациенти, но низ годините бележеше постојан раст. Сепак, тоа се должи на најквалитетниот ласер со диодна технологија на светскиот пазар, на стручноста на нашиот тим, како и на сè поголемата информираност на клиентите за безбедноста и ефикасноста на третманот. Овој третман сè повеќе се бара и од машката популација“, велат од „д-р Анчевски“.
Воедно, нагорен тренд е забележлив и кај третманите за нехируршки лифтинг со филери и ботокс, што е резултат на широката палета од различни продукти за примена скроени според индивидуализираните потреби на пациентите, како и на професиналноста на докторите во ординацијата и високиот квалитет на продуктите што се користат.
Од „д-р Анчевски“ посочуваат дека и по десег години сé уште цврсто се држат до ставот дека постојано мора да се работи на себеусовршување и на подобрување на понудата и ќе продолжат да чекорат по тој професионален пат и во иднина ./крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Трчањето во зима е најдоброто нешто што можете да го направите за вашето тело
Кога температурите се приближуваат кон нула, облекувањето патики, јакна, капа и трчањето навечер не звучи како привлечна идеја за повеќето од нас.
Со исклучок на страствените тркачи кои не се откажуваат од своите омилени активности дури ни во текот на зимските месеци, тренингот дома или во теретана дефинитивно изгледа како подобра опција.
Сепак, трчањето на студ има неколку неочекувани придобивки за нашите тела. Иако на прв поглед можеби не е најпријатно, постојат неколку причини зошто зимата може да биде одлично време да додадете џогирање во вашата фитнес рутина.
Покрај тоа, експертите тврдат дека трчањето на студ е всушност поздраво за нашите тела отколку на топлина, а некои од придобивките вклучуваат согорување на повеќе калории и борба против сезонското афективно нарушување.
Трчањето на студ може да го забрза вашиот метаболизам
Иако нашите тела се загреваат кога трчаме, истражувањата сугерираат дека престојот на студени температури може да стимулира специфична форма на термогенеза, или зголемување на метаболизмот, што главно се постигнува со активирање на специјално ткиво наречено кафеава маст – вид маснотии што е одговорно за согорување калории.
Позитивен ефект врз менталното здравје
„Runner’s high“, термин што ја опишува еуфоричната состојба што ја чувствуваат тркачите за време и по неколку километри трчање, се јавува поради ослободување на ендорфини и ендоканабиноиди кои го намалуваат стресот и го поттикнуваат чувството на среќа. Ова чувство се јавува без оглед на годишното време, но во зимските месеци може да има уште попозитивен ефект, особено кај оние кои страдаат од зимска тага.
Исто така, почестото изложување на студ му помага на нашето тело да се навикне на него, што постепено ќе го намали одговорот на стресот на зимските временски услови.
Како да се подготвите за трчање на студ
Прво на сите, проверете ја временската прогноза – трчањето на дожд или снег ако сте почетник дефинитивно нема да биде пријатно искуство, а ризикувате повреда ако немате соодветна обувка. За секој случај, најдобро е да изберете ден без врнежи.
Експертите советуваат: ако одите на трчање, нема да ви треба толку дебела облека како да одите на лежерна прошетка. Облечете се како температурата да е десет степени повисока отколку што е всушност, бидејќи вашето тело природно ќе се загрее. Исто така, направете кратко загревање пред да го напуштите станот.
Што се однесува до облеката, важно е да носите слоеви кои го штитат телото, а воедно овозможуваат движење и дишење. Термо хеланки за трчање, маица со долги ракави која не ја впива потта и водоотпорна и ветроотпорна јакна ќе бидат задолжителни. Иако инаку е одличен материјал, памучните маици не се најдобра опција бидејќи ја впиваат потта, што дополнително ќе ве разлади. Исто така е важно да носите ракавици или маица што ги покрива дланките, бидејќи студот најмногу го чувствуваме на екстремитетите. Специјална маска за лице е исто така добра идеја, бидејќи студениот воздух може да предизвика кашлање и суво грло.
фото: unsplash
Забава
Нема да бидете гладни и ќе изгубите до 5 килограми: Адријана Лима исто така се држи до оваа диета
Диетата со авокадо помага да ослабете за кратко време. Ако го сакате авокадото, тогаш вашата новогодишна мисија за слабеење ќе биде доста лесна за остварување!
Авокадото може да ви помогне да ослабете и, внимание, да согорите повеќе маснотии на половината. Секако, мора малку да се потите во ходникот!
Калориската содржина на авокадото е висока. Во 100 g производ – 160 калории. Но, истите 100 g овошје содржи и 29 g здрави масти, 13,5 g диететски влакна, 9 g јаглехидрати, 2 g протеини. А авокадото е богато со витамини А, Е, К и Ц, калциум и железо. Студиите докажаа дека содржината на масти во авокадото е она што го прави уникатен производ кој помага во третманот на дебелина, кардиоваскуларни заболувања, проблеми со кожата, артритис итн.
Значи, ако барате брза диета која нема да ве остави гладни, но сепак можете да јадете вкусна храна и да ослабете, диетата со авокадо е најдоброто нешто што можете да го направите.
Авокадото може да помогне во намалувањето на холестеролот, намалувањето на воспалението во телото, подобрувањето на варењето, заштитата на интегритетот на клетките и елиминирањето на токсините. Моделите на „Викторијас Сикрет“ како Карли Клос, Роми Страјд, Емили ДиДонато и Јасмин Тук, како и Адријана Лима, често прават детоксикација од авокадо пред ревија.
Девојките знаат дека авокадото ќе им помогне да одржат здрава кожа и коса, а воедно ќе се ослободат и од вишокот маснотии на стомакот.
За среќа, авокадото е овошје што можете да го јадете за појадок, ручек и вечера. Затоа можете безбедно да креирате своја диета. Но, запомнете дека диетата со авокадо, како и другите краткорочни диети, нема да ви помогне да изгубите 10 кг неделно и да ја одржите тежината.
Ова е опција за оние кои треба да се ослободат од 1-5 вишок килограми. Ако треба да изгубите повеќе, подобро е да преминете на балансирана исхрана и вежбање. Ова е бавен, но сигурен начин за здраво слабеење.
Правила за диета со авокадо
Нема посебни правила, бидејќи некој може да биде веган, а некој може да јаде месо. Главната работа е мени со точно пресметан број калории. Дневниот внес на калории кај здрава личност зависи од нејзините физички параметри и начин на живот.
Но, за да ослабете, треба да создадете дефицит од 500-700 калории. Ако просечниот дневен внес на калории за жени е 2000 kcal, излегува дека на диета можете да јадете до 1200-1500 калории. Бидејќи диетата со авокадо не е моно-диета, а во исхраната има и други намирници, погрижете се вашето мени да не содржи повеќе од 3 авокада.
Авокадото треба да биде присутно во секој оброк. Ако јадете месо, тогаш јадете пилешко и мисиркино месо со малку маснотии. Може да се јаде и риба. Можете да јадете и леб од цело зрно и тестенини направени од пченица. Покрај тоа, вашето мени треба да вклучува многу зеленчук, како и јајца како извор на протеини.
Овошјето можете да го консумирате само наутро. Подобро е да го ограничите нивниот број на 200-300 g. Ако се обидувате да ослабете, повеќе овошје што содржи сахароза и фруктоза може да го забави процесот на согорување на мастите. Како што можете да видите, диетата со авокадо е многу вкусна, но здрава.
Времетраење на диетата со авокадо
Времетраењето на диетата со авокадо варира од три до седум дена. Сепак, ова е диета за детоксификација и не треба да ја ограничувате вашата диета долго време, бидејќи на телото му се потребни голем број витамини, минерали и други хранливи материи. Во таков период, можете да изгубите 1-5 килограми во зависност од вашите физички параметри, должината на диетата и, секако, вашето ниво на активност.
Затоа, се препорачува диетата со авокадо, како и другите видови диети за слабеење, да се комбинираат со тренинг. Кардио вежбите ќе бидат особено корисни бидејќи помагаат во согорувањето на мастите.
Мени за диета со авокадо
Ден 1
Рано наутро (на празен стомак): чаша топла вода со лимон.
Појадок: салата од зеленчук, домати, краставици и половина авокадо со 1 лажица маслиново масло, 1 јајце, кафе.
Ужина: 1 мандарина + 30 г ореви.
Ручек: тестенини со мисиркино (100 г) и доматен сос, салата од рукола со половина авокадо и 1 краставица.
Вечера: половина авокадо и печен зеленчук.
Ден 2
Рано наутро (на празен стомак): чаша топла вода со лимон.
Појадок: палачинки од хељда, 1 лажица мед, магдонос, половина јаболко, кафе/1 чаша зелен чај.
Ужина: тост со авокадо, 1 чаша зелен чај.
Ручек: салата од туна со авокадо, домати, краставици, виолетова зелка и сок од лимета.
Вечера: 150 г печено пилешко и 150 г зеленчук, 100 г авокадо.
Ден 3
Рано наутро (на празен стомак): чаша топла вода со лимон.
Појадок: тост од цело зрно со авокадо и две јаболка, кафе или зелен чај.
Ужина: печено јаболко со сирење и 20 г јаткасти плодови
Ручек: 100 г варена хељда, зеленчук со авокадо и билки.
Вечера: 100 г риба, 200 г печен зеленчук.
Пред да се ставите на диета, подобро е да направите краток еднодневен пост. За ова се погодни различни пијалоци. Адријана Лима обожава да прави хранливи детокс смути со грчки јогурт или кокосова вода со половина авокадо и половина лажица мед. Моделот Емили ДиДонато обично сака да пие смути направено со боровинки, бадемово млеко, лажичка протеини, спанаќ и други билки. Изберете кој било рецепт за смути од зеленчук, бобинки и овошје за вашиот ден на постење.
По диетата, препорачливо е денот да го поминете на вода или овошје и зеленчук. Препорачливо е да ја проверите вашата тежина на празен стомак по денот на постење. И за резултатите да бидат навистина добри, не заборавајте на тренингот. Дури и 15-минутни домашни сесии со едноставни вежби ќе му користат на вашето тело.
Забава
Неколку причини зошто никогаш не треба да спиете со мокра коса
Ако некогаш сте се нашле исцрпени и сте си легнале со влажна коса, можеби ќе треба двапати да размислите пред повторно да го направите тоа. Иако може да изгледа безопасно, спиењето со влажна коса може да има голем број непожелни последици – од нарушено здравје на скалпот до зголемено кршење и проретчување на косата. Дознајте зошто оваа навика не е толку безопасна и како мала промена во вашата рутина може да ја зачува убавината и виталноста на вашите прамени.
Кршење на косата
Експертите едногласно се согласуваат дека причина број еден зошто не треба да спиете со влажна коса е тоа што може да придонесе за кршење на косата.
Триењето што се јавува помеѓу влажната коса и ткаенината додека спиете може да предизвика кршење на влакната на косата, објаснува трихологот сертифициран од одборот Бриџит Хил.
Влажната коса има тенденција да биде покршлива бидејќи водата привремено ги раскинува водородните врски во протеинската структура на влакната на косата. Ова ја зголемува еластичноста, што може да ја направи косата посклона кон кршење, додава дерматологот Хедли Кинг.
Нарушување на микробиомот
Урамнотежениот микробиом е неопходен за здрав раст на косата. Кога спиете со влажна коса, може да ја зголемите количината на потење на скалпот. Во комбинација со себум, остатоци од производи и влажност, ова може да го наруши микробиомот и да се меша во здравјето и функцијата на вашите фоликули на косата.
Раст на бактерии
Марти Харпер, фризер за познати личности, вели дека спиењето со влажна коса може да го поттикне растот на бактериите на скалпот и во вашите влакна. Влажните перници или чаршафи можат да станат плодна почва за мувла, што може да доведе до разни проблеми со скалпот и косата.
Потенцијал за осип
Влажната коса може да го поттикне растот на бактериите што предизвикуваат акни на скалпот. И најлошо од сè, акните на скалпот можат да се претворат во инфекција на скалпот, вели Хил.
Може да го влоши првутот, дерматитисот и другите состојби на скалпот.
Спиењето со влажна коса може да создаде топла, влажна средина во која напредуваат бактериите и габите. Ова потенцијално може да доведе до фоликулитис или влошување на себороичен дерматитис.
Хил нагласува дека ова е особено загрижувачко за оние кои веќе се борат со првут, псоријаза и егзема, бидејќи спиењето со влажна коса може дополнително да ги влоши овие проблеми.
(Видео) Нела Манческа ѝ донесе седмо место на Македонија на „Јуниор Евросонг“
Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место,...
Ахмети од протестот на плоштадот „Скендербег“: Процесот во Хаг треба да заврши со ослободителна пресуда
Лидерот на ДУИ, Али Ахмети, денеска се обрати на протестот што се одржа на плоштадот „Скендербег“ во Скопје, организиран во...
Рената Дескоска избрана за потпретседателка на Венецијанската комисија
Професорката по уставно право и поранешна министерка за правда, Рената Дескоска, е избрана за потпретседателка на Венецијанската комисија. Како што...
(Видео) Жената во Гостиварско била застрелана пред да биде закопана во дупка, покажа обдукцијата
Завршена е обдукцијата на 53-годишната жена која беше пронајдена почината во атарот на гостиварското село Неготино. Според првичниот наод, таа...
Македонија воздржана за резолуцијата на ОН за обврските на Израел
Македонија гласаше воздржано на седницата на Генералното собрание на Обединетите нации за резолуцијата што се однесува на обврските на Израел...
ВМРО-ДПМНЕ: Филипче се претставува како противник на мигрантите, а во 2018 туркал камп во Бардовци
ВМРО-ДПМНЕ денеска го обвини претседателот на СДСМ, Венко Филипче, дека јавно настапува како противник на мигрантите, додека за време на...
СДСМ: За мигрантите мора да одлучува Собранието, а не општините
Собранието, а не општините, мора да одлучува за прашањето со мигрантите, соопшти денеска СДСМ, оценувајќи дека премиерот Христијан Мицкоски со...
Трамп, Бил Клинтон, Бил Гејтс се појавија на новите фотографии со Епштајн, претседателот се оградува: „Не знам ништо за тоа“
Претседателот на САД, Доналд Трамп, рече дека не знае ништо за најновите фотографии поврзани со Џефри Епштајн, одговарајќи на новинарско...
ЕУ ја потврди одлуката за замрзнување на руските средства на неопределено време
Денес, Европската унија ја потврди одлуката за замрзнување на средствата на руските централни банки лоцирани во Европа на неопределено време....
Ѓорѓиевски: Скопје конечно добива Луна Парк
Градоначалникот на Град Скопје, Орце Ѓорѓиевски, денес ја најави долгоочекуваната реализација на проектот за новиот Луна Парк, значајна инвестиција што...
Советниците на ВМРО-ДПМНЕ со иницијатива до советите за документ дека ќе нема мигрантски кампови
Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во...
Двајца млади скопјани најдени починати – едниот во напуштена куќа во Центар, другиот во дом на пријател во Кисела Вода
Двајца скопјани на возраст од 25 и 36 години биле пронајдени починати во текот на изминатото деноноќие. Според информациите од...
Мал авион се урна во Мавровското Езеро, едно лице повредено
Мал авион денес се урна во Мавровското Езеро. Во авионот имало две лица, од кои едното е повредено, потврдија од...
(Видео) „Наместо студен камен, никнуваат дрвја што ќе растат“ – засадени 63 јавори во спомен на починатите во „Пулс“
Во Кочани се засадени 63 јавори, по еден за секој млад живот згаснат во пожарот во дискотеката „Пулс“. „Овој чин...
84-годишник се обидел да убие жена во хотел во Куманово, поведена истрага
Основното јавно обвинителство Куманово донесе Наредба за спроведување истражна постапка против едно лице поради обид да изврши кривично дело –...
Над 40 автошколи под сомнение дека договарале цени за обука
Постојат индиции дека 40 авто – школи во земјава договарале цените за обука на возачи. Комисијата за заштита на конкуренцијата...
Спасовски 3 месеци го кочел затворањето на станицата за технички преглед во Сарај и овозможил незаконски профит од 90.000 евра, ЈО да реагира, бара ВМРО-ДПМНЕ
„Оливер Спасовски овозможил противзаконско богатење на фирма во Сарај, со што фирмата се здобила со противправна имотна корист во висина...
Почината жена пронајдена во дупка во атарот на гостиварско Неготино: за едно осомничено лице одреден краткотраен притвор
Јавен обвинител од Основното јавно обвинителство Гостивар во текот на ноќта изврши увид во атарот на гостиварското село Неготино, каде...
СДСМ: Милошоски најавува мигранти за пари, ама со променет статус во економски работници
„Планот на ВМРО-ДПМНЕ за примање мигранти во Македонија е целосно разоткриен. И не се само пишувањата на британските и светските...
(Видео) Шефот на НАТО: „Ние сме следната цел на Русија, немаме време“; Москва одговори
Генералниот секретар на НАТО, Марк Руте, денес ги повика сојузниците да ги засилат одбранбените напори за да спречат војна што...
