Против 49-годишна скопјанка поднесена кривична пријава бидејќи е осомничена дека во саботата лажно пријавила разбојништво, со цел да присвои 500 илјади денари.

Имено вработената во „Македонски пошти“ во експозитурата лоцирана на ул.„Коце Металец“ во Скопје, била должна сите уплати направени тековно, секој ден да ги внесува во персоналниот компјутер. Но, во засега неутврден временски период, таа со лажно преставување на фактичката состојба во експозитурата, успеала да присвои околу 500 илјади денари.

Најверојатно откако и’ станало јасно дека нема да може да ги врати овие средства, службеничката во саботата околу 09,30 часот, полициската станица „Гази Баба“, лажно пријавила дека непознато маскирано лице со закана со пиштол извршило разбојништо во експозитурата, при што одзело околу 500 илјади денари, средства кои таа наводно ги подготвувала да ги предаде на Службата за обезбедување на „Македонски пошти“.

Веднаш по пријавувањето грабежот, полициски службеници од СВР Скопје, заедно со одговорните лица од „Македонски пошти“ извршиле увид на местото на настанот. Од извршениот увид, пописот на документите и персоналниот компјутер во експозитурата, пописот на паричните средства, како и од анкетирањето на граѓани, полицијата дошла до сознание дека службеничката лажно го пријавила грабежот за го прикрие присвојувањето на парите.

По ова, по наредба од Основен Суд Скопје 1, бил извршен претрес во домот на службеничката, при што биле пронајдени 30 илјади денари, коишто како што се покажало подоцна, се дел од парите кои таа си ги присвоила./крај/со/мф