Спорт
Личниот тренер на Манџукиќ: Со ваков играч не сум работел досега!
Лука Милановиќ, личниот фитнес тренер на новото засилување на Милан, Марио Манџукиќ во разговор за италијански „Tuttosport“ открива во каква форма се наоѓа хрватскиот интернационалец.
За потсетување, популарниот Манџо последниот меч го одигра во март минатата година, а со оглед дека има 34 години „росонерите“ се загрижени каква е неговата форма и кога тој ќе биде подготвен за тренинг и натпревар во полна форма.
„Марио ме повика пред 5 месеци. Оттогаш интензивно работиме. Тоа што го познавам ми помогна да направам успешна програма која е прилагодена за него. Секој ден работиме на издржливоста со персонализирани вежби, но работевме и вежби со топка. Благодарение на неговата одлучност, се е полесно. Силата и кондицијата се уште му се на високо ниво, подготвен е да тренира со тимот“ изјави Милановиќ.
Фитнес-тренерот смета дека малку ќе му треба да се вклопи во целината.
„Работам со спортисти веќе 20 години и ваков играч немам видено. Тој е сигурно во топ 3 играчи со кои сум работел. За 2-3 недели ќе е 100% подготвен за настап“ – рече тој.
Инаку, Манџукиќ се врати во Серија А откако пред повеќе од 1 година го напушти Јувентус и потпиша за катарски Ал-Духаил. Таму не се снајде, па набрзо стана слободен играч.
Пред Јуве, има настапувано за Атлетико (М), Баерн (М) и Волфсбург, а сега ќе е опција во нападот на Милан предводен од Златан Ибрахимовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мбапе и официјално е играч на Реал
Килијан Мбапе и официјално е играч на Реал Мадрид. Она што се најавуваше со денови, а беше сигурно со месеци, сега е и официјално потврдено. Клубот од Мадрид на својата официјална веб-страница потврди дека француската суперѕвезда пристигна како слободен играч откако му истече договорот со ПСЖ.
Мбапе (25) дојде во ПСЖ во 2018 година за 180 милиони евра од Монако. Иако играше со Меси и Нејмар и постигна 256 и забележа 108 асистенции за ПСЖ на 308 натпревари, тој не успеа да ја освои Лигата на шампионите. Тоа не му успеа ниту годинава, ПСЖ беше елиминиран во полуфиналето од Борусија Дортмунд.
Долго време не го криеше незадоволството и беше извесно дека ќе си замине. Претседателот на клубот го задржа пред две години со еден од најголемите договори во историјата на фудбалот.
Месечно заработуваше околу 6 милиони евра бруто (2,7 милиони нето), доби бонус од 180 милиони евра само за потпишување на договорот и дополнителни 70 милиони на крајот од секоја година од договорот, кој требаше да трае до три години. Но, кога го потпишуваше договорот му била понудена опција да замине бесплатно по две сезони и тој реши да ја искористи таа опција.
Спорт
Тектонски промени во Мото ГП – Маркез во Дукати, Мартин во Априлија
Две трансфер „бомби“ експлодираа доцна поладнево во Мото ГП шампионатот. Марк Маркез од наредната сезона ќе вози во фабричкиот тим на Дукати, а Хорхе Мартин реши да ја напушти прграмата на овој тим и да се пресели во Априлија.
Пред трката за Големата награда на Италија во Муџело, сите релевантни светски медиуми ја пренесоа информацијата дека возачот на Прамак Дукати, актуелниот вице првак Хорхе Мартин од наредната сезна ќе вози за Дукати заедно со светскиот првак Пеко Бањаја.
Меѓутоа ден по трката се случи пресврт. Марк Маркез ја одбил понудата на шефовите на Дукати од Гресини да се пресели во Прамак.
Наводно Маркез рекол: „Или фабричкиот тим или ништо“.
Од друга страна Мартин лут што Дукати не си го исполни ветувањето реши да ја напушти програмата на Дукати.
Тој од наредната сезона ќе стане дел од Априлија. Шпанецот ќе го заземе местото на сонародникот Алеиш Еспаргаро кој ќе ја заврши кариерата.
Значи наредната сезона во фабричкиот Дукати ќе возат Пеко Бањаја и Марк Маркез и медиумите веќе најавуваат епски дуели меѓу нив двајца. Веќе се прават споредби дека тоа ривалство може да биде како она меѓу починатиот Аиртон Сена и Алан Прост во Формула 1, кога двајцата возеа за Мекларен.
Колега на мартин во Априлија ќе му биде сонародникот Маверик Вињалес.
Спорт
Де Минор го декласира Медведев на Ролан Гарос
Австралиецот Алекс Де Минор го победи Данил медведев во осминафиналето на Ролан Гарос. Австралија по 20 години има четвртфиналист во машка конкуренција.
Два часа и 46 минути траеше мечот меѓу 11. и 5. играч во светот и заврши по четири сета со триумф на Де Минор, 3:1 (4:6, 6:2, 6:1, 6:3).
Присуствувавме на едно од најголемите изненадувања оваа година во Париз, иако почетокот не навестуваше такво сценарио
Медведев направи брејк веќе во третиот гем и лесно ја чуваше предноста до крајот на сетот за водство од 1:0.
Рускиот тенисер направи брејк и на почетокот на вториот сет, потоа побара медицински тај-аут и од тој момент неговата игра се распадна.
Де Минор значително го рена нивото на сојата игра, до крајот на сетот освои пет гема по ред, а во исто темпо продолжи и во третиот сет во кој му препушти само еден гем на Медведев.
Во четвртиот сет Де Минор направи брејк, Медведев возврати, но потоа со уште два брејка Австралиецот го реши мечот.
Во четвртфиналето Де Минор ќе игра против Александар Зверев или Холгер Руне.