Црна хроника
Сопственик на дискотека на Виница истепан со бејзбол палка
Сопственикот на дискотеката „Ефект“ во Виница околу 3 часот по полноќ бил претепан пред дискотеката,соопштуваат од МВР
Се започнало кога неколку гости не биле пуштени да влезат во дискотеката поради нивното проблематично однесување.Револтирани се качиле во својот мерцедес и упаднале во дворот на дискотеката, при што за малку ќе удреле двајца полицајци кои биле во близина на дискотеката. Излегле од автомобилот, испукале неколку куршуми во воздух и почнале да ги малтретираат вработените.По инцидентите што ги направиле во дискотеката избегале пеш, бидејќи не можеле да го земат автомобилот.Откако бил повикан сопственикот на дискотеката, насилниците се вратиле назад и почнале да се расправаат со него и да удираат по неговиот автомобил.Кога сакал да си замине, тие со нивниот автомобил удриле во неговиот и со бејзбол палка го нападнале.Сопственикот е повреден и однесен во кочанската болница. Напаѓачите, кои се добро познати на полицијата, се во бегство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.