Hitech
Необични помагала за совршени селфи
– (Белфи- снимите на задникот нов тренд на социјалните мрежи)
Држачи за мобилните телефони за правење „селфи“, специјални четки за коса и апликации за ретуширање, се само некои од невообичаените помагала коишто ги измисли индустријата натпреварувајќи се во креативноста за на современите зависници од гаџетите да им овозможи да направат успешни автопортрети со нивните паметни телефони.
Држачи за мобилните телефони за правење „селфи“, специјални четки за коса и апликации за ретуширање, се само некои од невообичаените помагала коишто ги измисли индустријата натпреварувајќи се во креативноста за на современите зависници од гаџетите да им овозможи да направат успешни автопортрети со нивните паметни телефони.
Во желбата да се сочува споменот од посетата на некои места, некоја средба со позната или драга личност, или само поради нарцисоидност, селфи-то денес стана сеприсутно. Изразот, дури, влезе и во Le Petit Robert, култниот еднојазичен француски речник, а во април годинава астронаут од Меѓународната вселенска станица (ISS) не можеше да му одолее на предизвикот да направи селфи во Вселената. И аџиите во Мека, на пример, го предизвикаа гневот на свештениците самофотографирајќи се пред најсветите места на исламот.Индустријата многу брзо го сфати комерцијалниот потенцијал на селфи-то. Секако претприемачите во индустријата не можеа да ја испуштат оваа залуденост во светот за селфи-то. Така направија селфи-четка за коса, којашто содржи рамка за смартфон за може корисникот пред фотографирањето да се исчешла.Друг „новитет“ е ретуширањето на фотографиите. Апликацијата YouCam Perfect содржи филтери со чијашто помош може да се има посвеж тен, да се белат забите, да се добие беспрекорен мејкап и повита линија.Програмерите мислеле и на оние корисници кои сакаат да се фотографираат од далечина, па на пазарот може да се најде блутут далечински управувач или апликации како што е на пример CamMe. За снимка од височина, пак, може да се користат држачи за селфи. Италијанците веќе збудалеа по нив, а во Хонгконг може да видат на секој чекор, вели во репортажата на AFP Камил Марлие која ги продава преку интернет.Сѐ популарни се „белфи“-те, односни снимки на задницата, како и „дрелфи“ или автопортретите во алкохолизирана состојба.Автопортретите направени со мобилен телефон може да ги имаат сега и новороденчињата. Имено апликацијата Baby selfie ги мами бебињата на насмевка со шарени животинчиња кој танцуваат на екранот на мобилниот и со интересни звуци.Љубителите на мачките можат, исто така, да ја симната апликацијата Cat Snaps, со која нивните галеничиња можат да се фотографираат самите. Светлосен зрак или глушец кој се движи на екранот ја поттикнува мачката да се фотографира со притисок на шепата врз смартфонот.Информатичарите поради оваа нова мода мораат да ги подобрат квалитетите на фотоапаратите интегрирани во паметните телефони. Произведувачот HTC во средата го претстави новиот паметен телефон HTC Desire Eye кој на секоја страна има два фотоапарата со резолуција од 13 милиони пиксели.Најпопуларниот твит во историјата всушност е токму селфи-то коешто во март годинава, на доделувањето на престижните филмски награди Оскар, го сними Елен ДеЏенерес, а на кој се Бред Пит, Џулија Робертс, Мерил Стрип, Кевин Спејси, Бредли Купер и Анџелина Џоли. Весникот The Wall Street Journal неколку дена подоцна објави дека „Samsung“ производителот на мобилниот телефон користен за правењето на споменатото селфи, тоа го испланирал однапред, иако компанијата тоа го негира./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
WhatsApp подготвува корисна промена
Повикувањето луѓе на WhatsApp ќе стане многу полесно.
WhatsApp развива нова функција која ќе ви овозможи да повикувате луѓе директно од апликацијата, без претходно да ги зачувате како контакти во вашиот телефон, објави веб-страницата WABetaInfo.
Како што е наведено, оваа функција е достапна за тестирање на оние кои ја имаат бета апликацијата за Android, верзија 2.24.9.28.
Најверојатно, додава WABetaInfo, интернет податоците ќе се користат за повикување на овој начин, што значи дека повиците ќе бидат поевтини отколку кога ќе повикате некого во странство користејќи го „традиционалниот“ метод.
Сè уште нема детали за тоа кога оваа функција би можела да биде достапна за корисниците ширум светот, но обично не треба многу време откога ќе се појави во бета верзија.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.
Hitech
Во Кина побарувачката за мобилни телефони на „Епл“ значително се намали, продажбата на „Хуавеј“ скокна за 70 отсто
Испораките на мобилни телефони на „Епл“ во Кина паднаа 19 отсто во првиот квартал, што ја одразува заканата за доминантната позиција на американскиот гигант во повисокиот сегмент по враќањето на „Хуавеј“ на пазарот, покажуваат податоците на пазарот. Уделот на „Епл“ на најголемиот пазар на паметни телефони во светот падна на 15,7 отсто во првиот квартал, од 19,7 отсто на почетокот на 2023 година. Ова го доведе американскиот гигант речиси на исто ниво со „Хуавеј“, чија продажба скокна 70 отсто, според истражувачката компанија Counterpoint.
„Виво“ ја презеде круната на „Епл“ како најголем продавач на паметни телефони во Кина. Американската компанија падна на третото место, зад „Хонор“, бренд на подостапни уреди. На четврто место е „Хуавеј“, чиј пазарен удел скокна од минатогодишните девет на 15,5 отсто.
„Враќањето на „Хуавеј“ на пазарот директно влијаеше на „Епл“ во премиум-сегментот. Треба да се додаде дека побарувачката за нови мобилни телефони на „Епл“ за замена на постарите модели беше малку придушена во споредба со претходните години“, рече аналитичарот на Counterpoint, Иван Лам, во соопштението за печатот.
Во меѓувреме, „Епл“ почна промотивни кампањи обидувајќи се да ги привлече потрошувачите со попусти, вклучувајќи субвенционирање одредени модели на „Ајфон“ до 1.300 јуани (168,29 евра).
Минатата недела „Хуавеј“ ѝ ја претстави на јавноста новата серија смартфони Pura 70. Во август минатата година, по долга пауза, ја лансираа серијата Mate 60, која некои аналитичари ја протолкуваа како триумф над американските санкции, врз основа на софистицирано домашно производство на чип.
Канадската истражувачка компанија TechInsights очекува Кинезите да купат повеќе од 50 милиони мобилни телефони оваа година, вклучително и 10 милиони од Huawei Pura 70. Тоа ќе го стави „Хуавеј“ на прво место, со пазарен удел од 19 отсто, што е повеќе од 12 отсто минатата година.
Во првиот квартал кинескиот пазар на паметни телефони порасна 1,5 отсто продолжувајќи го позитивниот тренд од крајот на 2023 година, според Counterpoint.