Hitech
Новите iPad-и на Apple со скромни подобрувања
Новите модели на уредите на американскиот технолошки гигант Apple од линијата iPad, се побрзи и потенки, но имаат само скромни подобрувања во однос на претходните модели, но сепак поедини аналитичари истакнуваат дека нудат уште неколку можности коишто можеле да ги одушеват потрошувачите пред традиционалните празнични купувања пред крајот на годината, за кои се очекува дека ќе бидат преплавени со нови модели на мобилни уреди.
На претставувањето на новиот уред во четвртокот навечер во Купертино, извршниот директор на Apple, Тим Кук ги нарече новите производи, коишто го вклучуваат о новиот iMac компјутер со нов квалитетен екран, најдобрите во историјата на компанија. Меѓутоа, аналитичарите сметаат дека Apple може да има проблеми да ја разгори истата страст по неговите таблети, имајќи предвид дека во последните неколку години на потрошувачите им се нуди изобилство од мини уреди со екрани на допир.
Кук и потпретседателот на Apple за маркетинг, Филип Шипер на прес-конференцијата презентираа дека новите уреди содржат многу нови технички и дизајнерски решенија. Приказот на екранот на двата модели на таблетите е поголем, а покрај тоа, тој е прекриен со специјален анти-рефлективен слој и сега „свети“ 56 отсто помалку, отколку претходните модели таблети.
Преднарачките за поголемиот iPad Air 2 започнуваат во петок по цена од 499 долари и повеќе, а се доставуваат од почетокот на следната седмица. Помалиот iPad Mini 3 ќе чини 100 американски долари помалку. Новиот iMac кои има оперативен систем Yosemite ќе чини 2.499 долари.
Графичкиот процесор работи за 2,5 пати побрзо,а процесорот A8X работи за 40 отсто побрзо, отколку кај претходните модели, но времето за оперативното полнење на батеријата не е намалено и останува до десет часа . Новите таблети се снабдени со скенер за отпечатоци од палците на корисниците, што го зголемува нивото на безбедноста, а покрај тоа, сопствениците на таблетот ќе бидат во можност да ги плаќаат своите купувања преку вградената апликација во онлајн продавниците без внесување на бројот на кредитната картичка.
Покрај своите iPad-и, Apple го претстави и својот досега најмоќен iMac кој има екран Retina 5K и е со четиријадрен процесор Intel Core i5. Компјутерот има дисплеј од 68,6 сантиметри во пречник и со резолуција од 5.120 на 2.880 пиксели, двојно повеќе отколку претходната верзија.
Презентацијата на новите уреди на Apple не мина без софтверските новитети на компанијата. Беше презентирана првата значително обновен за мобилните уреди оперативниот систем iOS 8- верзијата 8.1. Комплетната листа на иновации ќе биде објавена во понеделник, кога и ќе стане достапна за преземање. Системот, особено, ќе го поддржува платниот систем Apple Pay, така што сопствениците на шестата генерација на смартфони iPhone. Во САД тоа може да се стори преку системите Visa, MasterCard и AMEX.
Се очекуваат продажбата ба таблети во оваа година пораснала за само 11 отсто, во однос на 55 отсто раст минатата година, дури и доколку продажба на паметните телефони настави раст, а продажбата на личните компјутери слабее, проценува компанијата за истражување на пазарот на мобилните уреди Gartner.
Продажбата на таблета Apple паѓа веќе два месеца со ред. Инвеститорите се концентрирани на iPhone, главниот генератор на приходите на Apple, додека продолжениот пад на продажбата на iPad би можело да нагризе околу 15 отсто од приходите на оваа компанија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.
Hitech
Во Кина побарувачката за мобилни телефони на „Епл“ значително се намали, продажбата на „Хуавеј“ скокна за 70 отсто
Испораките на мобилни телефони на „Епл“ во Кина паднаа 19 отсто во првиот квартал, што ја одразува заканата за доминантната позиција на американскиот гигант во повисокиот сегмент по враќањето на „Хуавеј“ на пазарот, покажуваат податоците на пазарот. Уделот на „Епл“ на најголемиот пазар на паметни телефони во светот падна на 15,7 отсто во првиот квартал, од 19,7 отсто на почетокот на 2023 година. Ова го доведе американскиот гигант речиси на исто ниво со „Хуавеј“, чија продажба скокна 70 отсто, според истражувачката компанија Counterpoint.
„Виво“ ја презеде круната на „Епл“ како најголем продавач на паметни телефони во Кина. Американската компанија падна на третото место, зад „Хонор“, бренд на подостапни уреди. На четврто место е „Хуавеј“, чиј пазарен удел скокна од минатогодишните девет на 15,5 отсто.
„Враќањето на „Хуавеј“ на пазарот директно влијаеше на „Епл“ во премиум-сегментот. Треба да се додаде дека побарувачката за нови мобилни телефони на „Епл“ за замена на постарите модели беше малку придушена во споредба со претходните години“, рече аналитичарот на Counterpoint, Иван Лам, во соопштението за печатот.
Во меѓувреме, „Епл“ почна промотивни кампањи обидувајќи се да ги привлече потрошувачите со попусти, вклучувајќи субвенционирање одредени модели на „Ајфон“ до 1.300 јуани (168,29 евра).
Минатата недела „Хуавеј“ ѝ ја претстави на јавноста новата серија смартфони Pura 70. Во август минатата година, по долга пауза, ја лансираа серијата Mate 60, која некои аналитичари ја протолкуваа како триумф над американските санкции, врз основа на софистицирано домашно производство на чип.
Канадската истражувачка компанија TechInsights очекува Кинезите да купат повеќе од 50 милиони мобилни телефони оваа година, вклучително и 10 милиони од Huawei Pura 70. Тоа ќе го стави „Хуавеј“ на прво место, со пазарен удел од 19 отсто, што е повеќе од 12 отсто минатата година.
Во првиот квартал кинескиот пазар на паметни телефони порасна 1,5 отсто продолжувајќи го позитивниот тренд од крајот на 2023 година, според Counterpoint.
Hitech
„Воцап“ воведе суптилна промена, корисниците во светот бесни
Со оглед на тоа дека има две милијарди активни корисници, слободно може да се каже дека „Воцап“ е една од најпопуларните апликации во светот. Но, многумина останаа бесни по новата суптилна промена воведена во платформата за пораки.
Наместо „онлајн“ и „пишува“, зборовите што вообичаено се појавуваат под имињата на луѓето во вашите разговори, сега има големи почетни букви на тие зборови. Иако ова звучи како мала промена, корисниците во светот воопшто не се задоволни поради тоа и се жалат на социјалните мрежи.
The word “online” was capitalized on @WhatsApp this week. Tell me why this is bothering me so much 🫠 pic.twitter.com/SfYqw0JdQ9
— Rebecca Franks (@riggaroo) April 13, 2024
„Дали на некој друг му пречи што наместо ‘онлајн’ и ‘пишува’, ‘Воцап’ сега исфрла големи букви?“, „Ова страшно ме нервира, ме болат очите кога го гледам“, „Воопшто не е некоја промена, но мене ми е неверојатно иритирачки“, пишуваат тие на „Икс“.
@isabellemariewa Wieso schreibt ihr das auf ein mal groß Whatsapp? Ich habe Fragen #fyp #whatsapp #relatable #foryou ♬ Originalton – Isabelle Marie
За жал, се чини дека промената ќе остане, без достапна опција во поставките за враќање на претходната верзија. Меѓутоа, ако новите големи букви навистина ве излудуваат, ќе бидете среќни кога ќе слушнете дека постои лесен начин за решавање. Сè уште има мали букви на WhatsApp Web.
@oicaramba Did whatsapp always capitalize the first letter of “typing” and “online”? #fyp ♬ original sound – oicaramba
@sophiepetrucciohall #whatappstatus #whatsapp anyone else noticed? #fyp #mybrain ♬ оригинальный звук – •🎧🎤•