Спорт
Англичаните дознаа колку Карло Анчелоти е кул!
Тренерот на Евертон, Карло Анчелоти, не само што го трансформира ливерпулскиот клуб со своите игри туку и ги воодушевува Англичаните со својот стил, своето однесување и својата неверојатна смиреност, што ги покажа во најдраматичниот меч во 2021 кога вчера Евертон со 5:4 по продолженијата го совлада Тотенхем во ФА-купот.
Додека зад него клупата на Евертон и неговиот помошник Данкан Фергусон лудо славеа, Анчелоти само смирено си го ладеше своето кафе. Секако, ова видео и кул однесувањето на Карлето станаа предмет на мемиња на интернет, а неговиот помошник Фергусон убаво ја објасни реакцијата.
„Анчелоти навистина видел сè во животот, нели? Мечот беше одличен од почеток до крај, но јас не успеав да бидам толку смирен“, вели Фергусон.
Англискиот весник „Дејли телеграф“ дури објави напис со наслов „Зошто сите сакаме да бидеме како Карло Анчелоти“.
Carlo Ancelotti’s reaction to Everton going 5-4 up ☕️#EmiratesFACup pic.twitter.com/WCetMZuEir
— Football on BT Sport (@btsportfootball) February 10, 2021
Bravo whoever made this ??#Everton #Ancelotti pic.twitter.com/isxGhF7VHf
— Michael Bridge (@MichaelBridge_) February 11, 2021
Sir Carletto che beve il cafferino ovunque pic.twitter.com/JTkkkQV77x
— CALCIATORI BRUTTI (@CB_Ignoranza) February 11, 2021
I just had to join in with this one. #Ancelotti pic.twitter.com/rTwNP0MRC6
— Carl Serjeant (@CarlSerjeant) February 11, 2021
#Ancelotti pic.twitter.com/eFLab2ks73
— Danny Boy 1878 ? (@DanielE25044152) February 11, 2021
#CarloFantastico #Ancelotti #everton #EVETOT #efc #EvertonFC #doncarlo @Everton @1kevincampbell @ALANMYERSMEDIA @richarlison97 @MrAncelotti #FACup pic.twitter.com/8j5wq0o3Sx
— YNFA (@footballYNFA) February 11, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Без победник во Минхен, Реал е поблиску до големото финале
Баерн Минхен и Реал Мадрид одиграа 2:2, во првиот полуфинален натпревар во Лигата на шампионите. На „Алијанц арена“ во Минхен, Реал се спаси од пораз во 84.минута, кога Винисиус Жуниор од пенал го изедначи резултатот. Претходно, Бразилецот погоди за Реал во 24.минута, а Баерн во вториот дел, во само четири минути со головите на Сане и Кејн од пенал, направи пресврт.
Натпреварот на „Алијанц Арена“ беше извонреден, онака како што двете екипи сезонава играат во Лигата на шампионите.
На крајот заврши без победник, што пред реваншот на „Сантијаго Бернабеу“ му носи поголема предност на „кралскиот клуб“.
Сепак, Баерн покажа дека не е за отпишување и ќе има што да каже за осум дена во шпанската престолнина.
Спорт
Ферари демне: Наскоро ќе биде официјално – Њуи си заминува од Ред Бул
Еден од најзаслужните за успехот на Ред Бул во Формула 1 шампионатот, главниот инженер на австрискиот тим Адријан Њуи ќе го напушти актуелниот шампион во конкуренција на конструктори.
Како што пренесуваат многу европски медиуми, се е договорено и се очекува Ред Бул да ја потврди оваа вест пред почетокот на Големата награда на Мајами.
Њуи е најуспешниот дизајнер на автомобили во модерната Формула 1 и е член на Ред Бул од неговото основање во 2006 година. Причините за разделбата се наводно незадоволство од улогата што ја има во тимот и несогласување со тимскиот шеф Кристијан Хорнер.
Овој 65-годишник има актуелен договор кој е со важност до крајот на 2025 година, а за тоа досега не се огласил. Исто така, Ферари наводно веќе разговарал со Њуи и му испратил понуда за соработка.
Покрај загубата што би ја претставувало заминувањето на Њуи, тоа исто така потенцијално би го доведе во прашање статусот на трикратниот последователен светски шампион Макс Верстапен, кој е бескомпромисно лојален на Њуи и советникот Хелмут Маркo.
Њуи учествуваше во освојувањето на седум титули за возачи и шест конструктори за Ред Бул.
Во генералниот пласман сега води Верстапен со 110 бодови, а зад него е соиграчот Перез со 85.
Овогодинешниот шампионат во Формула 1 продолжува со Големата награда на Мајами од 3 до 5 мај.
Спорт
Турски милионер го купува Марибор
Турскиот милионер Ацун Иликали наскоро ќе го заврши преземањето на словенечки Марибор.
„Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“.
„На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“.
Ова значи дека Марибор за прв пат во својата историја ќе има странски инвеститор.
Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија.
Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн.
Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор.