Црна хроника
Недолично навивање на „Фемили“ – еден приведен
Недолични навивања и палење на пиротехнички средства на кошаркарските натпревари кои се одржаа викендов во спортската сала „Борис Трајковски“, соопшти МВР.На кошаркарскиот натпревар помеѓу кошаркарските екипи „МЗТ“ и „Торус“ што се одигра во саботата, навивачката гр
На кошаркарскиот натпревар помеѓу кошаркарските екипи „МЗТ“ и „Торус“ што се одигра во саботата, навивачката група „Фемили“ дофрлувала пораки со навредлива содржина, а биле запалени и пиротехнички средства.
Полицајците привеле еден дваесет и четиригодишник кој ги повикувал и поттикнувал навивачите на „Фемили“ на тепачка и напад на полицајците.
Во неделата на кошаркарскиот натпревар помеѓу екипите на „МЗТ“ и „Фени Индустри“-Кавадарци навивачите од „Фемили“палеле пиротехнички средства.
Во тек се мерки за целосно расчистување на двата случаи./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.