Шеесет и седумгодишен жител на кумановското дело Лојане е тешко повреден, откако синоќа во него со пиштол пукал негов соселанец. Според информациите, во него од возило во движење пукал 25-годишниот В.Ч. од истото село.

„ На 18.06.2021 во 19.30 часот во с.Лојане, кумановско, В.Ч.(25) од с.Лојане, додека управувал патничко возило „опел астра“, со пиштол испукал кон З.И.(67), од истото село, кој се здобил со телесна повреда, констатирана во Општата болница Куманово, каде бил пренесен за укажување на лекарска помош“ соопшти МВР.

Увид извршила увидна екипа на СВР Куманово и се преземаат мерки за целосно расчистување на настанот.

Во затворот „Кшање“ во Куманово ноќеска бил пронајден мртов 58-годишен затвореник од с.Старо Нагоричане.

„ На 19.06.2021 во 02.45 часот во Полициска Станица Крива Паланка е пријавено дека во Затвор „Кшање“, во отвореното одделение, бил пронајден починат затвореникот М.Ј.(58) од с.Старо Нагоричане, кумановско“ соопшти МВР.

По насока на Јавен обвинител телото на починатиот е дадено на обдукција.

Жител на с.Романовце, кумановско пријавил во полиција дека во својот двор пронашол стара неексплодирана направа.

Увид на местото извршила екипа од СВР Куманово и пиротехничар од Дирекција за заштита и спасување – Куманово, при што било констатирано дека станува збор за стара рачна неексплодирана граната од Втората светска војна и таа е подигната за понатамошна постапка.