Црна хроника
Почина српскиот масовен убиец на 13 луѓе
Масовниот убиец од српското село Велика Иванча во областа Шумадија, Љубиша Богдановиќ, кој во вторникот во мугрите од пиштол уби 13 луѓе, починал во четвртокот околу 14 часот, потврдија од Ургентниот центар во главниот град Белград.
Шеесетгодишниот Љубиша Богдановиќ по масакрот што го изврши се застрела во главата и минатите два дена беше во кома, а неговата состојба откако беше примен во белградскиот Ургентен центар, беше критично.
Поради тежините лекарите мораа да го оперираат, па беше приклучен на паратии примал само медикаменти.
Во Велика Иванча кај Младеновац, шеесетина километри јужно од Белград, Богдановиќ утрото на 9-ти април го убил својот син, мајката и уште 11 лица, пет мажи , шест жени и едно двегодишно момченце, а тешко ја ранил својата сопруга по што си пукаше во главата.
Неговата сопруга е оперирана и заздравува, но и натаму е во тешка состојба, и доколку преживее ќе биде единственото лице коешто може да помогне да се дознае нешто повеќе за злосторството коешто е незапаметено на поширокиот балкански простор.
Во Србија поради оваа трагедија средата беше прогласена за ден на жалоста, а 13-те жртви ќе бидат закопани во петок на селските гробишта./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.