Тренерот на Реал Мадрид, Чаби Алонсо, во уперлативи зборуваше за својот поранешен играч, Флоријан Вирц, кој сè уште не не може да се снајде во Ливерпул, откако две сезони блескаше во Баер Леверкузен.

Баер во сезоната 2023/24 ја освои двојната круна под водство на Алонсо, со напомена дека стигна до титулата во Бундеслигата без пораз.

Вирц постигна 18 гола и 20 асистенции во сите натпреварувања таа сезона и беше прогласен за најдобар играч во Бундеслигата. Германскиот репрезентативец постигна 34 гола и 35 асистенции во последните две сезони во Баер.

Ова лето, тој се пресели во Ливерпул, кој плати 125 милиони евра за неговите услуги. Тој забележа три асистенции во 14 натпревари во англиската лига, но сè уште не се запиша меѓу стрелците.

„Доаѓањето во Ливерпул е голема промена за него и му треба време да се адаптира. Тој е посебен играч, има квалитет, карактер и е многу конкурентен. Веројатно поради него ја добив работата во Реал, и многу му сум благодарен“, рече тренерот на Реал пред вечервашното гостување кај Ливерпул во Лигата на шампионите.

Алонсо знае за што зборува бидејќи помина пет години како играч во Ливерпул, во кариерата одиграл 210 натпревари за „црвените“.

Бразилскиот напаѓач на Реал Мадрид, Ендрик (19), е пред привремено заминување од клубот откако не успеа да го импресионира тренерот Чаби Алонсо. Иако беше поврзуван со позајмица во Премиер лигата, каде што интерес покажаа Манчестер Јунајтед и Астон Вила, 19-годишникот најверојатно ќе ја продолжи кариерата во Лион, Франција, пишува специјализираниот фудбалски поратал „Goal.com“.

Ендрик се врати на теренот минатиот викенд по петмесечна пауза поради повреда, ги одигра првите минути во високата победа на Реал против Валенсија (4:0). Сепак, се чини дека неговиот статус на „Сантијаго Бернабеу“ не е сменет. Според информациите од Фабрицио Романо, Реал Мадрид ги финализира деталите за краткорочна позајмица во Лион.

Преговорите се во напредна фаза и само неочекуван пресврт би можел да го спречи трансферот. Ендрик треба да помине шест месеци во Франција, а клучниот детаљ од договорот е отсуството на опција за откуп на договорот.

Токму ова беше причината зошто Манчестер Јунајтед и Астон Вила се откажаа од неговото доведување, бидејќи англиските клубови инсистираа на таа клаузула, како што наведува „ESPN Brasil“.

Извори блиски до клубот открија дека еден од помошниците тренери на Лион, Пол Фонсека, веќе започнал детална анализа на досегашните настапи на Ендрик.

Според извештаите, се составува обемно досие за неговиот стил на игра, се разгледуваат снимки периодот додека беше во Палмеирас од 2022 до 2023 година, како и неговите ретки настапи за Реал.

Францускиот клуб го гледа Ендрик како краткорочно засилување кое може да донесе многу потребна енергија во нападот додека се борат за подобра позиција на табелата во Лига 1.

Вечерва се играат девет натпревари од Лигата на шампионите на УЕФА, кои носат неколку многу интересни дуели каде што секој бод ќе биде исклучително важен за пласман во нокаут фазата. Посебен акцент треба да се стави на средбата помеѓу Ливерпул и Реал Мадрид, како и на пресметката помеѓу Пари Сен Жермен и Баерн Минхен.

Ливерпул го пречекува Реал Мадрид на „Енфилд“, а судија е романецот Иштван Ковач. Домашниот тим го предводи Арне Слот, додека гостински тренер е Чаби Алонсо, кој помина исклучително успешен период од својата играчка кариера во дресот на Ливерпул, со кој го крена трофејот од Лигата на шампионите.

Ова нема да биде единственото враќање на познато место оваа вечер. Ова е и првото враќање на Трент Александар-Арнолд на „Енфилд“ во дресот на Реал Мадрид откако го напушти Ливерпул минатото лето.

Англискиот репрезентативец долго време инсистираше на преселба во Мадрид и со тоа го навлече гневот на навивачите на Ливерпул, а сега се враќа на стадионот каде што помина многу години.

Во Париз, актуелниот европски шампион Пари Сен Жермен игра против Баерн Минхен на „Паркот на принцовите“, а главен судија на натпреварот е Италијанецот Маурицио Маријани. Ова ќе биде интересена тренерска пресметка помеѓу Луис Енрике и неговиот помлад колега Винсент Компани.

Нивните тимови се во навистина застрашувачка форма на почетокот на оваа сезона. Во Лигата на шампионите, ПСЖ и Баерн водат на табелата со совршен настап по првите три кола, а во Бундеслигата, Баерн ги доби сите девет одиграни натпревари досега.

За жал, овој натпревар може да мине без актуелниот освојувач на „Златната топка“. Усман Дембеле влезе од клупата во победата на ПСЖ против Ница во последното коло од француската Лига 1, но почувствува проблеми со задната ложа и многу е веројатно дека ќе биде надвор од првиот тим вечерва, но постои можност Енрике да го внесе од клупата.

Лига на шампиони, 4.коло:

Наполи – Ајнтрахт Франкфурт 18.45 часот
Славија Прага – Арсенал 18.45

Атлетико Мадрид – Унион Сен-Жилоа 21 часот
Боде/Глимт – АС Монако 21
Јувентус – Спортинг Лисабон 21
Ливерпул – Реал Мадрид 21
Олимпијакос – ПСВ 21
Пари Сен Жермен – Баерн 21