Црна хроника
Притвор за поранешниот дечко на Каролина и Натали!
Четворица од петтемина осомничени за шверц на скапа луксузна облека добија 30-дневен притвор.Еден од нив е Аладин Балиќ, алијас Дино, во јавноста попознат како поранешен дечко на манекенката Натали и поп-пејачката Каролина
Четворица од петтемина осомничени за шверц на скапа луксузна облека добија 30-дневен притвор. Истражниот судија вчера одлучи да ги лиши од слобода првиот човек на царинската испостава “Гевгелија” Александар Ристовски и скопјанецот Митхат Каевиќ, возач и сопственик на ИТ “Митхат” Скопје. Притвор им е одреден и на двајцата основачи на фирмата “Гемак Фешн”, Аладин Балиќ и Алтин Малиќи. Балиќ на јавноста и е познат како Дино поранешното момче на поп-пејачката Каролина, како и на манекенката Натали. Малиќи пак е син на сопственикот на позната скопска компанија која увезува алкохол и техничка стока. На Балиќ и Малиќи мерката притвор им е изречена во отсуство. Тие се недостапни за полицијата, во моментот се наоѓале надвор од државата.
Директорката на фирмата “Гемак Фешн” Иснија Шерифовска ќе се брани од слобода, а како гаранција дека ќе доаѓа кога ќе биде побарана од страна на судот, го оставила нејзиниот пасош.
Според МВР Балиќ кој има 31 година, неговиот врсник Малиќи, Шерифовска и шоферот Каевиќ се теретат за сторени кривични дела “криумчарење” и “царинска измама”, а триесет и петгодишниот Ристовски, раководител на Царинска испостава Гевгелија добил кривична пријава за сторено кривично дело “криумчарење”. Против фирмата “Гемак Фешн” е поднесена пријава за “царинска измама”.
Балиќ и Малиќи, според МВР, во 2008 година создале криминална група заедно со останатите пријавени, при што во периодот 2008 до 2009 г., во четири наврати, од фирмата “Спортина Блед” ДОО од Словенија набавиле и избегнувајќи ја царинската контрола нелегално прокриумчариле во Македонија луксузна, брендирана текстилна стока од марките Армани, Кавали, Долче и Габана во вкупна вредност од 13.270.992 денари или околу 216 000 евра. Таквата облека ја продавале преку бутикот “Република Делла Мода” во ГТЦ Скопје, со што избегнале да платат вкупно 6.964.005 денари или околу 113 500 евра оштетувајќи го државниот буџет.
МВР смета дека на првоосомничените кои ја организирале групата им помогнала управничката на “Гемак Фешн” Скопје, која изготвувала и потпишувала документи, меѓу кои и налози со кои ова Друштво вршело плаќање на стоки кон фирмата “Спортина Блед” од Словенија, кои биле предмет на криумчарење и царинска измама. Пријавените, во текот на ноември 2008 г. од Друштвото “Спортина Блед” ДОО од Словенија набавиле текстилна брендирана стока во износ од 79.151 евра која била транспортирана со товарно моторно возило сопственост на “Гемак Траде” од Скопје, управувано од Каевиќ, којшто на влез во земјава на граничниот премин “Богородица” во постапка за царинење приложил фалсификувана фактура на износ од 21.392 евра, износ што е значително помал од реалниот.
Со тоа е избегнато плаќање на царински давачки и ДДВ во износ од 1.257.478,00 денари. Царинарникот во договор со останатите членови на криминалната група, организирал при вршење на царинската постапка на ГП “Богородица” на влез во Македонија да биде прифатена трговската стока за која имало фалсификувана фактура на 21.392 евра, кој се разликува од оригиналната фактура извозно оцаринета во Словенија, овозможувајќи истата да биде увезена во земјава без да извршат дополнителна царинска контрола заради утврдување на реалната вредност на стоката.
Минатата година Балиќ, Малиќи и Каевиќ во три наврати биле во Словенија, каде од Друштвото “Спортина Блед” ДОО набавиле трговска брендирана стока и се договориле истата да биде надополнета со стока набавена од Италија, која легално ќе биде пријавена на влез во Македонија, а се со цел стоката набавена во Словенија да биде прокриумчарена во Македонија, односно да биде прикриена со легално набавената и пријавена стока од Италија.
Возачот преку неговата фирма “ИТ Митхат” ДООЕЛ Скопје, од фирми од Италија набавувал стока којашто ја превезувал во возило сопственост на “Гемак-Траде” во кое се превезувала и стоката набавена од Словенија. На граничниот премин “Богородица” стоката набавена од Италија, е легално пријавувана за царинење, меѓутоа стоката набавена од Словенија која се наоѓала во истото возило, во трите наврати воопшто не била пријавена и истата била прокриумчарена. Истото, било организирано во договор со раководителот на царина, при што по негов налог не бил вршен детален преглед на возилото со кое се превезувала стоката, а се со цел стоката набавена во Словенија да се внесе во Македонија и за истата да се избегне плаќање на законските давачки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.