Црна хроника
„Детонатор“ се проширува и во Крива Паланка
Полициската акција „Детонатор“ во којашто беа уапсени 23 лица кои земале рекет и сееле страв во Виница и Кочани се проширува и во Крива Паланка.
Полицијата синоќа извршила претрес на шест објекти кои биле поврзани со уапсените од криминалната мрежа со прекари Чарли и Мончо.
Нови уапсени нема, но запленети се голем број на апарати за игри на среќа, рулет маси и оружје.
Во угостителскиот објект „Дукис“ на Чарли пронајдени биле вкупно 80 покер апарати, рулет маси, тетратки во кои се водела евиденција за промет. Во магацинот „Треска-Осогово“ пронајдени се 85 апарати за игри на среќа, а во викендицата на Чарли полицијата пронашла куршуми и автоматско оружје.
Претресен и објектот, деловни простории во кои се сместени апарати за игри на среќа со којшто управувал Мончо во Кочани.
Во објектот пронајдени се 37 апарати за игри на среќа – покер апарати како и еден електронски рулет.
Во полициската акција „Детонатор“ беа уапсени 23 лица, а против 16 беа поднесени кривични пријави. Меѓу уапсените има сопрузи и браќа на пратеници во Собранието од владејачката ВМРО-ДПМНЕ. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Истрага за две разбојништва во Скопје: тетовец со закани со скалпер се заканувал кон вработените и крадел пари од обложувачници
Јавен обвинител од Основното јавно обвинителство Скопје донесе Наредба за спроведување истражна постапка против 25-годишник од тетовско Боговиње поради сомнение дека сторил две кривични дела – Разбојништво согласно член 237 став 4 во врска со став 1 од Кривичниот законик.
На 12 септември влегол во обложувалница на улицата “Никола Тримпаре” и со опасно орудие – скалпер се заканил по животот на една вработена и одзел 211.680 денари од сефот и касата.
На 14 септември, на сличен начин, од обложувалница во трговскиот центар “Лептокарија”, заканувајќи се со скалперот на еден вработен, одзел 80.250 денари.
Бидејќи постои опасност од бегство, можност да ја попречува постапката и да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Кучиња скитници искасаа жители во Скопје
Вчера во 18.45 часот во Полициска станица Аеродром, А.Љ.(43) од Скопје, пријавил дека на бул.„Трета Македонска Бригада“ во Скопје бил каснат од куче скитник.
Истиот ден во 12.35 часот во Полициска станица Гази Баба, С.С.(40) од Скопје пријавил дека на ул.„Методија Андонов Ченто“ во Скопје бил каснат од куче скитник.
Синоќа околу 21.00 часот во Полициска одделение Петровец, С.П.(44) од с.Петровец, скопско пријавила дека во с.Катланово била касната од куче скитник.
Црна хроника
Малолетник споделил експлицитни фотографии од неговата малолетна девојка на интернет, во ПС Драчево бил извршен службен разговор
Вчера во Полициската станица Драчево бил извршен службен разговор со малолетник од скопско, постапувајќи по претходна пријава дека на социјална мрежа споделил фотографии со експлицитна содржина од неговата малолетна девојка, извести МВР.
По целосно документирање на случајот ќе следува соодветна пријава.