Црна хроника
Приведен осомничен за силување на малолетно девојче кај ТЦ „Олимпико“
Четириесет итригодишен скопјанец е осомничен за силувањето на 16 годишно девојче што се случи кон крајот на минатиот месец зад ТЦ „Олимпико“.
Како што соопшти полицијата, кривична пријава за силување е поднесена против С.К., кој за време на распитот во полиција го признал и опишал делото.
Имено, настанот се случил на 20 декември минатата година, кога С.К. од зад грб и пришол на малолетничката, а потоа удирајќи ја по главата и држејќи и ја устата затворена со раката, го извршил силувањето.
Случајот во полиција го пријавил таткото на силуваната, по што СВР Скопје презеде низа мерки и го пронајде сторителот. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Мала Речица, пронајдена дрога
Вчера во 18.45 часот во Тетово, полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од с.Мала Речица, тетовско.
При претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото.
Лицето било задржано во полициска станица и по целосно документирање на случајот, против него ќе биде поднесена соодветна пријава.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.