Црна хроника
Пијан син ги застрелал родителите во село Николиќ

Двојно убиство се случило ноќеска во дојранското село Николич, откако К.Т (1974) во алкохолизирана состојба ги застрелал своите родители
Според првичните информации, на убиството му претходела вербална расправија на осомничениот со неговата мајка која дошла во угостителскиот објект каде тој консумирал алкохол со пријатели и го укорила за неговото однесување. Како што соопшти МВР, К.Т.(1974) убиство над неговите родители М.Т.(1943) и Т.Т.(1943), го извршил така што со ловечки карабин испукал по еден куршум во пределот на градите. Од здобиената повреда М.Т. починал на самото место, додека Т.Т. е пренесена во МЦ-Гевгелија, каде им подлегнала на повредите. Осомничениот К.Т. е приведен во полициската станица во Нов Дојран и против истиот ќе бидат преземени соодветни мерки.Пушката со која е извршено убиството е одземена и предадена на вештачење, а истата според направените проверки, осомничениот ја поседувал законски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен гостиварец кој управувал возило под дејство на алкохол и предизвикал сообраќајка

Вчера во 17:40 часот на ул.„Живко Брајковски” во Гостивар, полициски службеници од Полициското одделение за безбедност на патниот сообраќај Гостивар го лишија од слобода С.Т.(69) од Гостивар.
Според информациите на МВР, претходно, тој учествувал во сообраќајна незгода со неговото патничко моторно возило „нисан” со гостиварски регистарски таблички и при преземање мерки во врска со незгодата констатирано е дека е под дејство на алкохол, односно измерени му се 1,94 промили алкохол во крвта.
Тој е задржан во полициска станица и по документирање на случајот, против него биде поднесена пријава за „безобѕирно управување со моторно возило“.
Црна хроника
Во септември за 93 лица кривични пријави за недозволена трговија со дрога, запленети над 38 кг марихуана

Во рамки на активностите на полициските и оперативни служби при МВР, во делот на сузбивање на недозволената трговија со дрога, во текот на месец септември вкупно се регистрирани 78 кривични дела поврзани со недозволена трговија со дрога, и притоа согласно Кривичниот законик, кривично се пријавени 93 сторители.
Според кривично правната класификација 71 од овие дела се за „неовластено производство и пуштање во промет на наркотични дроги, психотропни супстанци и прекурзори“, а седум кривични дела се за „овозможување на употреба наркотични дроги“.
Исто така како резултат на откривањето и расчистувањето на овие кривични дела запленети се повеќе од 38 кг марихуана, 980 милилитри масло од хашиш, 137 стебла, 242 парчиња семки и 0,28 грама семки од растението канабис сатива, потоа 182 грама кокаин, 129 грама манитол, 44 грама хашиш, 27 грама хероин, 20 грама амфетамин, 16 грама мешавина на кофеин и парацетамол, 59 грама мешавина од тутун и марихуана, 12 грама мешавина кофеин, парацетамол и хероин, а во помала количина останати видови дрога и психотропни медикаменти.
Црна хроника
Центарот за социјални работи пријави обљуба врз малолетник на Бит-пазар

На 14 октомври, околу 00:30 часот, во Полициската станица Бит Пазар од Центарот за социјални работи било пријавено дека на подрачјето на Бит Пазар едно лице извршило обљуба врз малолетен штитеник на центарот, информира МВР.
Полицијата презема мерки за целосно расчистување и документирање на случајот.