Спорт
Олмо ги спаси Шпанците во 92. минута во Тбилиси, Данците со осум „парчиња“ за Молдавија
Шпанската фудбалска репрезентација се намачи да стигне до 2:1 победа на гостувањето кај нашиот стар познаник Грузија во квалификациите за Светското првенство во Катар во 2022, со што тимот на Луис Енрике ја забележи првата победа по неубедливото реми со Грција во првото коло.
Во првото полувреме со малку шанси, Грузијците стигнаа до водство во финишот со убавиот гол на Хвича Кварацхелија во 44. минута од мечот. Шпанците имаа повеќе од поседот на топката и во 56. минута израмнија откако нафрлањето на Жорди Алба помина покрај Алваро Мората, но Феран Торес се најде на вистинското место за 1:1. Кога се сметаше дека Грузијците добија заслужен поен, во 92. минута од мечот, асот на РБ Лајпциг, Дани Олмо упати удар од огромна далечина, а грузискиот голман киксираше за три поени за „фуријата“.
Во Тирана, Англија стигна до 2:0 победа над Албанија, благодарение на головите на Хери Кејн (39.) и Мејсон Маунт (65.), додека во Копенхаген, Данска ја декласираше репрезентацијата на Молдавија со неверојатни 8:0. Данците постигнаа пет гола за 20 минути во првото полувреме за моќна победа.
Во нашата група Ј, старите „должници“ Ерменија, стигнаа до импресивна 2:0 победа над Исланд со головите на Тигран Барсегјан и Хорем Бајрамјан.
СП 2022, КВАЛИФИКАЦИИ
ГРУПА Б
Грузија – Шпанија 1:2
Косово – Шведска 20.45 ч.
ГРУПА Ф
Данска – Молдавија 8:0
Австрија – Фарски Острови 20.45 ч.
ГРУПА И
Албанија – Англија 0:2
Полска – Андора 20.45 ч.
ГРУПА Ј
Ерменија – Исланд 2:0
Романија – Германија 20.45 ч.
Македонија – Лихтенштајн 20.45 ч.
ГРУЗИЈА – ШПАНИЈА
⚽ ¡Goool, goool, goool de Dani Olmo en el 92'! ¡España le da la vuelta al partido con el 1-2!
? Le pegó durísimo desde fuera del área y el portero de Georgia no pudo evitar que entrara #DestinoCatar
? https://t.co/fmlspZDDr4 pic.twitter.com/AY38UsHZS0
— RTVE Deportes (@deportes_rtve) March 28, 2021
АЛБАНИЈА – АНГЛИЈА
ДАНСКА – МОЛДАВИЈА
ЕРМЕНИЈА – ИСЛАНД
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Брансон ја испрати Филалделфија на летен одмор, Милвоки без Јанис немоќни против Индијана
Кошаркарите на Њујорк Никс и Индијана Пејсер се изборија за меѓусебна пресметка во полуфиналето на Источна конференција, во НБА лигата. Изминатата ноќ Никс и Пејсер ги забележаа победите број 4 против Филаделфија односно Милвоки.
Пред една деценија, Филаделфија го избра Џоел Ембид како прв пик на драфтот. Со него Сиксерси се уште немаат финале на Истокот.
Брилијантниот Џејлен Брансон го предводеше Њујорк до победата 118:115 во шестиот натпревар.
Брансон забележа 41 поен и 12 асистенции (трет последователен натпревар со најмалку 40 поени), Донте ДиВинченцо постигна 23 поени со седум асистенции, а О Џи Ануноби имаше 19 поени и девет скока.
Џош Харт додаде 16 поени, 14 скока и седум асистенции и ја постигна клучната тројка за победа на 24,4 секунди до крајот.
Во тимот од Филаделфија најефикасен беше Џоел Ембиид со 39 поени и 13 скока. Бади Хилд додаде 20 поени, Тајрис Макси имаше 17 поени, пет скока и пет асистенции, Кели Оубре имаше 17 поени и пет скока, а Николас Батум заврши со 16 поени и седум скока.
Индијана Пејсерс славеше против Милвоки 120:98 за вкупни 4:2 во серијата. Без Јанис Адетокумбо и со повредениот Демијан Лилард, Милвоки немаа шанса против Индијана. Шестиот меч го решија играчите од клупата. Резервите на Индијана постигнаа 40 поени.
Оби Торпин со 21, Ти-Џеј Меконел со 20 поени и девет асистенции, односно Паскал Сијакам со 19 ја предводеа Индијана.
На спротивната страна Лилард, кој го припушти претходниот меч постигна 28 поени, Боби Портис додаде 20 поени и 15 скока, а Брук Лопез 20 поени.
Спорт
Тонали повторно е казнет поради обложување
Фудбалерот на Њукасл, Сандро Тонали (23), повторно е казнет за нелегално обложување.
Фудбалската асоцијација на Англија (ФА), го казни со двомесечна суспензија условно и 20.000 фунти поради кршење на правилата поврзани со забраната за обложување во Англија.
Оваа казна значи дека Тонали ќе може да се врати на терените откако ќе му истече 10-месечната забрана што му ја изрече Италијанската фудбалска федерација (ФИГЦ) на 27 октомври минатата година, со услов да не направи нов прекршок.
Минатата есен, ФИГЦ го казни Тонали за обложување на натпревари во Италија, а поради тоа овој талентиран играч за врска нема да може да игра на Европското првенство во Германија, каде Италија ќе ја брани шампионската титула.
Тонали на почетокот на оваа сезона се пресели од Милан во Њукасл за 70 милиони фунти и веднаш покажа дека ќе биде големо засилување за „страчките“.
Сепак, набрзо следеше суспензијата на ФИГЦ, па младиот Италијанец забележа само осум настапи, на кои постигна еден гол во дресот на Њукасл.
Спорт
Уште еден голем пријател на Меси пред трансфер во Интер
Уште еден пријател на Лионел Меси наскоро би можел да пристигне во Интер Мајами. Како што пренесува ЕСПН, Анхел Ди Марија ги започнал преговорите со Дејвид Бекам.
„Ди Марија сериозно преговара со Мајами и можеби тој ќе стане челн на тимот веќе во јули. Таа опција му се допаѓа на Фидео (прекар Ди Марија)”.
На Анхел Ди Марија договорот со Бенфика му истекува на крајот од сезоната.
Ди Марија и Меси долги години се соиграчи во репрезентацијата на Аргентина, со која го освоија Светското првенство во 2022 година.
Интересно е тоа што Ди Марија отсекогаш имал голема желба да игра со Меси, а уште додека играше во Реал Мадрид заедно со Кристијано Роналдо велеше дека Меси е најдобриот фудбалер на светот.