Црна хроника
Србија: Пронајдени тела на четири момчиња
Српската полиција во четврток наутро во атарот на селото Својново, во општина Параќин, пронашла тела на четири момчиња на возраст меѓу 17 и 20 години, изјави за Танјуг Гордана Цветиќ, портпарол на полицијата во Јагодина.
Според неофицијални информации, момчињата во четврток наутро ги пронашол таткото на едно од нив.
Во неговата викендичка, сместена на околу 100 метри над селото, момчињата во среда вечер отишле да прават скара. Двајца од настраданите во Својново дошле за да ги поминат новогодишните и божикните празници со семејствата.
Како што дознава „Блиц“, постои сомневање дека момчињата се затруле со јаглерод моноксид, но не се исклучени ни други причини.
Една од опциите е дека момчињата се задушиле бидејќи оџакот бил затнат, а според друга теорија, се отруле заради истекување на плинска боца.
Локалните жители велат дека настраданите момчиња потекнуваат од мирни, домаќински куќи и дека е исклучена можноста за било каква секта или сомнително однесување. /крај/бл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.