Спорт
Шкендија чекор поблиску до титулата, Беласица ги шокираше Шкупи
Полладнево се одигра 27.коло во фудбалскиот шампионат на Македонија. Најголемото изненадување го направија фудбалерите на Беласица, кои во Скопје славеа над Шкупи. Вардар освои само бод против Ренова, додека Шкендија со минималната победа над Академија Пандев уште повеќе се доближи до шампионската титула.
Работнички освои бод во Струга, Македонија ЃП го порази Борец, а Пелистер со пресврт успеа да го победи Силекс.
Беласица, во Скопје, славеше над Шкупи со гоот на Демир постигнат во 11.минута. Голот на Ибраими во 52.минута го реши победникот во дуелот помеѓу лидерот Шкендија и „Пандевци“.
Во Битола, Силекс по 19 минути водеше против Пелистер со 0:2, со головите на Ѓоргиев и Тантуровски, меѓутоа домашните се врати во мечот за само шест минути, со головите на Драгарски во 24. и Иливевски во 30.инута. Конечните 3:2, во 71.минута ги постави Нето.
Варадар и Ренова освоија по бод и останаа при дното на табелата. Јашаровски погоди за Ренова во 15.минута, а израмни во 53.минута Мирчевски. Без победник, 1:1 заврши и дуелот во Струга. Миленковски го постигна голот за домашниот тим, а за Работнички израмни Станковси.
Резултати:
Шкендија-Академија Пандев 1:0
Вардар-Ренова 1:1
Шкупи-Беласица 0-1
Струга-Работнички 1:1
Македонија-ЃП-Борец 2:1
Пелистер-Силекс 3:2
Табела: 1. Шкендија 62, 2. Шкупи 49, 3. Македонија ЃП 47, 4. Струга 41, 5. Работнички 40, 6. Пелистер 35, 7. Борец 33, 8. Академија Пандев 31, 9. Силекс 29, 10. Ренова 28, 11. Вардар 28, 12. Беласица 17.
Фото/facebook.com/fcshkendija
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.
Спорт
(Видео) Лејкерси се спасија од „метла“, Бостон го вратија брејкот
Лос Анџелес Лејкерс славеа победа над Денвер на домашен терен со 119:108 во четвртиот натпревар од првото коло на НБА плејофот и го намалија резултатот во серијата на 3:1.
По 11 последователни порази, од кои седум во плеј-офот, Лејкерси конечно после година ипол успеаја да ги победат Денвер Нагетс. За да направат нешто повеќе, а тоа победа во серијата ќе им треба колосално достигнување, каков што досега никој во НБА не го направил, а тоа е да станат првиот тим кој го сменил 3-0.
На шампионот не му помогна уште еден трипл дабл на МВП кандидатот Никола Јокиќ, втор во оваа серија. Србинот мечот го заврши со 33 поени и по 14 скока и асистенции (10/20 шут од поле, 2/5 тројки). Го следеа ортер и Џамал Мареј, но канадскиот репрезентативец шутираше 9/23 од поле.
Можеби соодносот на скокови од 46:39 за Лејкерс беше од пресудна важност. А во тој сегмент апсолутно доминираше Ентони Дејвис кој собра дури 23. Тој имаше 25 поени и шест асистенции. Леброн Џејмс беше најефикасен кај победниците со 30 поени, а двоцифрени беа и ДиАнџело Расел и Остин Ривс со по 21 поен.
Кошаркарите на Бостон славеа во третиот натпревар од првото коло на НБА плејофот на гостински терен против Мајами 104:84 и поведоа со 2:1 во серијата.
Мајами едноставно беа немоќен. Се можеше да се насети веќе во првата четвртина во која постигнаа само 12 поени, а практично мечот беше решен на полувремето, кога Селтикси дојдоа до предност од 63:39.
Кај победниците најефикасни беа Браун и Тејтум со по 22 поени, а Тејтум оствари дабл-дабл со 11 скока и шест асистенции. На другата страна Адебајо запиша 20 поени и девет скока, а Никола Јовиќ забележа личен плеј-оф рекорд 15 поени, осум скока и асистенции.