Црна хроника
Македонската полиција пресече меѓународен канал за хероин
Меѓународен канал на недозволена трговија со хероин на релација Македонија – Грција и понатамошен транспорт во Шпанија, пресечен е од страна на македонската полиција во рамки на акцијата „РЕАЛ“.
Во рамки на акцијата беа идентификувани осум членови на криминалната група, македонски државјани на возраст од 25 до 63 години, се вели во соопштението на МВР. Осомничените и претходно и се познати на полицијата и против нив во повеќе наврати се процесуирани кривични пријави, а за дел од нив постоеле оперативни сознанија дека се дел од таканаречената „Франкфурт мафија“. Откако осомничените биле извесно време следени од полицијата, вчера попладне биле преземени координирани мерки и активности на излез од државата на граничниот премин „Богородица”, каде било сопрено возило „Опел Омега” со скопски регистарски таблици, сопственост и управувано од лицето О.М.(1978) од Скопје.При извршен детален преглед на возилото, во задната лева фабричка шуплина на багажниот простор на возилото пронајдени се пет пакувања правоаголна форма облепени со широка бела селотејп лента, во кои имало околу 2,5 кг високо квалитетен хероин. Вредноста на запленетиот хероин на наркопазарот во Европа изнесува околу 100 000 евра на големо, додека на мало може да достигне три пати повисока цена. При реализација на случајот извршени се пет претреси во дом и други простории на подрачјето на Скопје, Велес, Струга и Охрид, при што не се пронајдени предмети од интерес на службата. До Основно јавно обвинителство за гонење на организиран криминал и корупција ќе биде поднесена кривична пријава против лицата Б.И.(1986) од с.Студеничани, М.А.(1972), М.П.(1971) двајцата од Велес, А.Г.(1948) од Охрид, М.Н.(1965) од с.Калишта, Струга, Д.Д.(1982) од с.Ливада, Струга, О.М.(09.09.1978) од Скопје.Полициски службеник од Велес е осомничен дека и помагал на групата за што истиот ќе биде кривично гонет. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.