Црна хроника
Полициска акција Детонатор во Кочани-уапсени 23 лица
Вкупно 23 лица се уапсени ноќеска во Кочани во голема полициска акција под оперативното име „Детонатор.“
Според првичните полициски информации лицата се осомничени за изнуда, насилство, изнуди, трговија со дрога и оружје и други кривични дела и прекршоциТие се товарат дека постојано правеле нереди во кочанско-виничкиот регион и го нарушувале спокојството на граѓаните и јавниот ред и мир.Министерството за внатрешни работи се уште не соопшти детални официјални информации, а на својата веб страна единствено постираше видео снимка од синоќешната акција.Од МВР потврдуваат дека подолго време работеле на прибирање оперативни сознанија и докази за постоењето и делувањето на криминална група во Кочани и Виница која оперирала во источниот регион и за која постоеле одредени информации дека се занимава со различен вид на криминал. Полицијата по претходно добиени сознанија направила рација во две дискотеки во Кочани и уште неколку домови и правни субјекти, при што се пронајдени четири пиштоли, самострел и поголемо количество на разна муниција. Покрај ова пронајден се и запленети повеќе од 40 илјади евра, 11 илјади долари, 550 илјади денари, и друга помала сума на пари во различни валути. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведени крадци во Битола
Вчера во Битола, полициски службеници од СВР Битола ги лишиле од слобода К.Б.(30) и Н.Б.(41), двајцата од Битола.
При претрес во домот на К.Б., извршен со судска наредба, биле пронајдени и одземени пари во различни апоени и повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик.
Додека, при претрес во домот на Н.Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик.
Црна хроника
Казни за 140 возачи, возеле над дозволеното
Во текот на вчерашниот ден Министерството за внатрешни работи спроведе акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 140 возачи.
Од нив четири возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 86 возила ја пречекориле брзината во населено место, а 54 надвор од населено место.
Сообраќајните контроли продолжуваат и во наредните денови, најави МВР и апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Црна хроника
Девојче нападнато од соученичка во основно училиште во Гази Баба
Ученичка била нападната пред два дена во основно училиште во Гази Баба.
Според пријавата, девојчето било нападнато од негова соученичка, а за случајот алармирал таткото на натепаното девојче.
Од МВР велат дека се преземаат мерки за расчистување на случајот.