Црна хроника
А каде се во моментов неисправните 5100 ракети од Хрватска ?
![](https://makfax.com.mk/wp-content/uploads/2016/10/0017626b-be35-47f2-88b8-0ea6d208bc46.jpeg)
Покрај корупциско – финансиска,неисправните ракети од Хрватска отвораат и безбедносна афера
„Ѓуро Ѓаковиќ “ од Славонски брод е фирма позната за сите досегашни гарнитури во македонското Министерство за одбрана. МВР деновиве ќе ги обелодени резултати од истрагата за набавка на стари ракети од оваа фирма од Хрватска, кои биле платени како нови за време на воениот конфликт во 2001 година, кога прв човек на ова министерство беше Владо Бучковски. Од МВР информираат дека во соработка со Интерпол се обезбедуваат докази по што за осомничените ќе бидат поднесени кривични пријави. Најскандалозно во целиот случај е што од Министерството за одбрана доаѓаат информации дека не знаат каде се во моментов ракетите како и спорните повеќецевни фрлачи за ракети ВБР со калибар 128. За 5.100 ракети Македонија платила два милиона евра преку фирмата „Еконет“ од Кочани која сега е избришана од Централниот регистер или го има сменето името. Но, исто колку што е тешка финансиската страна на овој старо – нов корупциски случај, уште посериозно е прашањето каде се наоѓаат складирани, дали можеби се продадени или воопшто и не биле донесени во Македонија ? Ракетите се платени во времето на воениот конфликт 2001 а наводно биле траспортирани по завршувањето на воените операции 2002 година.Простата математика говори дека ракетите носат над 12 тони експлозив или во маса заедно со телото на ракетата, над 150 тони екплозивна маса која доколку несоодветно се чува или изгуби од контрола може да уништи цел еден град како Куманово или Прилеп.Кој ги купи неупотребливите хрватски ракети?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
МВР: Лицето што го замени македонското знаме со албанско на врвот Голем Кораб не е државјанин на Македонија
![](https://makfax.com.mk/wp-content/uploads/2022/11/policija.jpg)
На социјалната мрежа Фејсбук објавено е видео на кое се гледа како едно лице го закачува албанското знаме на јарбол поставен на врвот Голем Кораб и потоа го отстранува македонското знаме.
„Во врска со видеото објавено на социјалните мрежи каде од страна на едно лице на Кораб е симнато македонското знаме и е поставено знаме на Република Албанија, Министерството за внатрешни работи ја информира јавноста дека по преземени мерки од страна на Одделот за компјутерски криминал утврдено е дека се работи за лице кое не е државјанин на РСМ. Се преземаат дополнителни мерки за расчистување на случајот, за што јавноста ќе биде соодветно известена“, велат од МВР .
Со реакција се огласија и од партијата ЛДП.
Во врска со инцидентот на врвот Голем Кораб, каде што албанскиот планинар Шулку ја искина и фрли македонската информативна табла, изразуваме длабоко разочарување, ваквиот чин е неприфатлив и спротивен на принципите на спортот и планинарењето, кои треба да не обединуваат, а не да не делат, се вели во реакцијата на Либерално-демократската партија.
Црна хроника
Приведен крадец од Скопје, кој украл автомобил
![](https://makfax.com.mk/wp-content/uploads/2023/02/lisici-apsenje-policija.jpg)
Полициски службеници од ЕВР-ОКР Кисела Вода при СВР Скопје го лишија од слобода Д.Т. од Скопје поради основано сомнение дека сторил кривично дело „одземање на моторно возило”. Имено, во периодот од 19.00 часот на 27.05 до 14.00 часот на 28.05.2024 во Скопје, Д.Т. одзел патничко моторно возило „опел вектра“, сопственост на Љ.Л. од Скопје.
По преземени мерки од страна на полициските службеници, Д.Т. е лишен од слобода, а возилото пронајдено и вратено на сопственикот. По документирање на случајот, ќе биде поднесена соодветна кривична пријава.
Црна хроника
37-годишен маж од Кочани осомничен за силување малолетничка
![](https://makfax.com.mk/wp-content/uploads/2023/03/policija-5.jpg)
На 30.06.2024 во 19.00 часот во Кочани, постапувајќи по претходна пријава, полициски службеници од Надворешната канцеларија за криминалистички работи Кочани извршиле службен разговор со О.Х.(37) од Кочани, поради основано сомнение дека извршил обљуба врз малолетничка од Кочани.
По целосно документирање на случајот ќе следува соодветен поднесок.