Црна хроника
Продолжува акцијата „Фаланга“ за криумчарени артефакти
Продолжува полициската акција „Фаланга“ против незаконското присвојување на археолошки предмети и материјални добра кои претставуваат културно наследство на Македонија, соопшти Министерството за внатрешни работи
При претрес во домовите на две лица, пронајдени се и запленети бронзени делови од свечена погребна ритуална кочија, кои датираат од вториот век од новата Исто така, пронајдени се и предмети кои потекнуваат од Римскиот период и две икони за кои во тек е стручна идентификација за утврдување на потеклото и културно-историската вредност. Експертите објаснуваат дека, пронајдените предмети, се само дел од кочијата. Според сознанијата на полицијата останатите предмети биле продадени на илегалниот пазар со антиквитети надвор од земјава. Против лицата кај кои се пронајдени предметите, ќе биде поднесена кривична пријава. Полициската акција „Фаланга“ започна кон крајот на јуни, годинава. Во оваа акција беа приведени повеќе лица од неколку градови во земјава. Меѓу запленетите предмети имаше монети, статуи, украсен накит, керамика, старо оружје, а меѓу највредните предмети беа тетовската менада и крилестото коњче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.