Спорт
(Видео) Пандев: Во фудбалот еднакво можат да учествуваат и девојчиња и момчиња

Под покровителство на Владата денеска се одржа панел дискусија за родова еднаквост во фудбалот.
На овој настан зедоа учество и се обратија Горан Пандев, фудбалер, Силвија Митевска, советничка за спорт на претседателот на Владата, Вики Чадиковска, маркетинг директорка на државна видео лотарија на Македонија, Ангела Рајчевска, фудбалска судијка и Александра Ристовска, фудбалерка.
„Настанот има за цел да ја подигне свеста за значењето, за постигнување родова еднаквост во фудбалот и да ја пренесе пораката дека родовата еднаквост во спортот е еден од приоритетите на Владата на кој интензивно се работи, меѓу кои од посебно значење е борбата против стереотипите во фудбалот, и во спортот воопшто“, соопшти владината прес-служба.
Капитенот на фудбалската репрезентација, Горан Пандев силно ја поддржа оваа иницијатива и заложбата на Владата за постигнување и реализирање на родово-еднакви политики во фудбалот.
Тој истакна дека еден од предизвиците е менталитетот и ниската свест за фудбалот како спорт во кој еднакво можат да учествуваат девојчиња и момчиња.
Направи споредба и со европските држави, поточно со Италија каде веќе долго живее и работи, каде што во фудбалот во женските лиги значително се инвестира.
Пандев додаде дека натпреварите во женска категорија се застапени во медиумскиот простор, и дека тоа помага при креирање перцепцијата дека фудбалот не е доминантно машки спорт.
Тој истакна дека е свесен за тешкотиите со кои се соочуваат женските фудбалски клубови и повика заеднички да најдеме решение за надминување на родовата дискриминација во сите спортски области.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Се за пари – Виљареал и Барселона ќе играат во Мајами

Натпреварот од 17-то коло од шпанската Ла Лига помеѓу Виљареал и Барселона треба да се игра на 20 декември во Мајами, беше објавено на официјалната веб-страница на натпреварувањето.
„Одборот на директори на Шпанската фудбалска федерација (RFEF) денес го одобри барањето на Виљареал и Барселона натпреварот од 17-то коло од Ла Лига да се игра во Соединетите Американски Држави“, се вели во соопштението.
Формален домаќин на овој дуел ќе биде Виљареал. „Марка“, известува дека по ова одобрување, RFEF ќе поднесе барање до Европската фудбалска унија (УЕФА) за започнување на процесот на одобрување од страна на Меѓународната фудбалска федерација (ФИФА) натпреварот помеѓу Виљареал и Барселона да се игра на 20 декември оваа година на стадионот „Хард Рок“ во Мајами, во согласност со меѓународните прописи на ФИФА и имплементациските прописи одобрени од RFEF.
Истиот извор понатаму наведува дека ова ќе биде прв пат во историјата натпревар од Ла Лига да се игра надвор од Шпанија.
Финансиските детали за проектот не се објавени, но се претпоставува дека станува збор за поголема сума за Ла Лига и клубовите.
Новата сезона во Примера започнува веќе следниот викенд, на 15 август.
Спорт
Роналдо ќе се жени

Кристијано Роналдо наскоро ќе застане пред олтарот, објавуваат сите влијателни медиуми во Шпанија и Португалија.
По толку години „бегање“ од брак, суперѕвездата конечно ќе се ожени со својата долгогодишна партнерка Џорџина Родригез.
Токму таа се пофали со големиот прстен што го добила од него на социјалните мрежи и така информацијата стигна до јавноста.
Џорџина, која е по потекло од Аргентина, го запознала Роналдо додека работела во бутикот „Гучи“ во Мадрид, кога фудбалерот го носеше дресот на Реал Мадрид.
Од 2016 година, двојката е неразделна, а во меѓувреме добија две деца.
Фото/ Принтскрин
Спорт
ПСЖ го отстрани Донарума од екипата

Иднината на Џанлуиџи Донарума во Пари Сен Жермен е под голем знак прашалник.
Италијанскиот голман не е вклучен во составот на „Светците“ за натпреварот во среда против Тотенхем во Европскиот Суперкуп.
Донарума имаше една од клучните улоги во освојувањето на Лигата на шампионите, но Луис Енрике и клупските челници решија да го отстранат откако тој одби да го продолжи договорот. Договорот на Донарума со ПСЖ истекува наредното лето.
За 40 милиони евра, ПСЖ го донесе Лукас Шевалие од Лил, кој ќе биде прв избор, а тука се и Матвеј Сафонов и Арно Тенас.
Менаџерот на Донарума, Енцо Раиола е во контакт со гиганти како Манчестер јунајтед, Челзи и Интер, кои внимателно ја следат ситуацијата.
Минатата сезона, Донарума прими 43 гола на 47 натпревари, а во 17 од нив не прими гол.