Најпогодена држава од загадувањето на воздухот е Македонија, а по неа следи Србија, објави „Еуроњуз“ повикувајќи се на извештај на Европската комисија и Организацијата за економска соработка и развој (ОЕЦД).

Соседните држави Албанија и Бугарија, како и Црна Гора исто така се наведуваат како земји со високо ниво на загаден воздух.

Според извештаите на Европската агенција за животна средина, изложеноста на PM2.5 честичките предизвикало околу 239.000 предвремени смртни случаи во Европа во 2021 година, додека уште 48.000 луѓе починале како резултат на изложеност на азот диоксид.

Институтот за јавно здравје лани објави извештај според кој речиси 18% од вкупната смртност во Македонија може да се препишат на изложеноста на тековните концентрации на ПМ2.5 честички.

Претходно УНИЦЕФ објави алармантна статистика дека секој деветти смртен случај кај новороденчиња во земјава е поврзан со загаден воздух.

Полицијата уапси голем број разбојници облечени како пожарникари кои упаднаа во напуштени домови во Лос Анџелес, каде околу 35.000 домови и деловни објекти се уште се без струја поради разорните пожари.

Пожарите ги оштетија далноводите низ Калифорнија, пишува Sky News. Во меѓувреме, силниот ветер придонесува за брзо ширење на пожарот и го оневозможува работењето на авионите за гаснење на пожарот.

Palisades Fire in Los Angeles.
Videos by: Sam Dubin pic.twitter.com/jN3XHThEEQ

— Chris (@christophergia) January 8, 2025

Еден од големите проблеми со кои се соочува целата област е разбојниците кои провалуваат во напуштените празни куќи. Евидентирани се голем број случаи на разбојништва, а дел од разбојниците се облечени како пожарникари за полесно да влезат на туѓ имот.

Портпаролот на полицискиот оддел во Лос Анџелес изјави дека голем број луѓе биле уапсени.

– Уапсивме две лица кои се претставуваа како пожарникари и кои влегуваа во напуштени куќи и ги ограбуваа – рече тој.

PALISADES FIRE UPDATE – 1/11, 11:30 a.m.

The Palisades Fire has burned 22,660 acres, with 11% containment, 5,000+ structures damaged/destroyed, 426 homes confirmed destroyed (Malibu and Pacific Palisades).

Read the full update: https://t.co/8Ey2YYCL16. pic.twitter.com/iPicZpclpo

— City of Malibu (@CityMalibu) January 11, 2025

Според досегашните информации, во пожарите кои почнаа да се шират на 7 јануари загинале 16 лица, а повеќе од 150.000 биле евакуирани.

Отежнати се условите за возење на Плетвар. Видеата кои ни ги испрати репортерот на „Макфакс“ од терен покажуваат дека механизацијата активно го чисти патот, а снегот не престанува да паѓа.

Според последните информации од АМСМ, активни забрани за тешки товарни возила има на:
– Гостивар – Маврово-Дебар
– Гостивар – Стража-Кичево
– Пресека
– Плетвар
– Ѓавато
– Струга – г.п. Ќафасан
– М.Брод – Прилеп преку планинскиот превој Барбарос
– Тетово – Попова Шапка (за останатите видови на возила задолжителна е употреба на зимска опрема)

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ЈП Македонија пат во текот на целиот ден врши расчистување на снегот на државните патишта со сите технички и човечки ресурси и ги одржуваат сите патни правци проодни, велат од Министерството за транспорт.

„Апелираме до сите возачи да ги почитуваат законските одредби за одвивање на сообраќај во зимски услови и задолжително да поседуваат зимска опрема за возилата, внимателно да управуваат со возилата, да ја почитуваат поставената сообраќајна сигнализација, како и да ги почитуваат препораките од сообраќајните служби особено на патиштата низ котлините, речните долини и клисурите, каде има можност од појава на одрони. Сите детални информации учесниците во сообраќајот можат да ги добијат од дежурните служби на ЈП Македонија пат на телефонот 02 25 61 502“, се наведува во соопштението на Министерството.