Спорт
Роналдо не е рекордер – треба да даде уште 77 гола да ја стигне Синклер
Кристијано Роналдо постигна два гола (од пенал) против Франција на ЕУРО 2020, за да се израмни со Али Даеи со 109 гола во репрезентативниот дрес, но сепак, не е апсолутниот рекордер, бидејќи му се потребни барем уште 77 гола да ја стигне неверојатната Канаѓанка Кристин Синклер.
38-годишната Синклер, која е капитен на Канада и на НВСЛ тимот, Портланд торнс, има пет Светски првенства и две Олимписки игри (на кои освои две бронзи), а има и четири титули од американската лига и е сметана за една од најдобрите канадски фудбалерки во историјата.
Синклер во моментов има 186 гола во 297 натпревари за Канада, а ќе настапи на нова Олимпијада во Токио ова лето. Претходниот рекорд беше на Американката Еби Вамбач, двократна олимписка и еднократна светска шампионка, која имаше 184 гола во 255 настапи за САД пред да се пензионира во 2015 година.
Во моментов има седум фудбалерки кои имаат повеќе репрезентативни голови од Роналдо, од кои две се активни. Роналдо со 109 гола е израмнет со американската напаѓачка Алекс Морган и со бразилската легенда Марта, две фудбалерки кои ќе играат на Олимпијадата оваа година. Тука се уште и пензионираните – Шкотланѓанката Џули Флитинг (116), Лојд (125) и Германката Биргит Принц (128), како и трите Американки, Лили (130), Миа Хам (158) и Вамбач (184).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024