Црна хроника
Осомничениот за убиството и кичевчанката биле во љубовна врска
Осомничениот за убиството во Кичево и убиената кичевчанка Верка Крстеска биле во љубовна врска и од пред околу една година имале блиски средби. Ја убил за 3.500 денари, велат од полицијата
Местото каде што Верка Крстеска беше најдена мртва, било едно од местата каде што се среќавале. На средбата, кога кичевчанката била убиена двајцата започнале вербална рапсравија, а потоа и тепачка.Според кажувањата на осомничениот за убиството, расправијата започнала бидејќи, според него на една од нивните претходни средби, Верка му украла 3.500 денари.Полицијата вчера го приведе педесет и седумгодишниот Коста Лазески, осомничен дека минатиот месец со 25 убоди со нож ја убил седумдесет и седумгодишната Верка Крстеска од Кичево.На местото на убиството е пронајдена футрола од ножот, со кој Верка била убиена. Против приведениот ќе биде поднесена кривична пријава за убиство.Кичевчанката Верка Крстеска минатиот месец беше пронајдена убиена со 25 убоди од нож во напуштен објект од кичевската болница. Заминала да фрли ѓубре во контенјер и од тогаш не се вратила дома.Полицијата отфрла каква и да е поврзаност меѓу ова убиство и убиствата на четирите постари жени кои се случија пред неколку години. За две од тие убиства, беше осомничен новинарот Владо Танески.По самоубиството на Танески во кофа со вода во истражниот затвор во Тетово случајот остана без завршница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
139 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
На територија на град Скопје изречени се вкупно 139 мерки, меѓу кои за возење без возачка дозвола 14 санкции, девет санкции за користење мобилен телефон при возење, осум мерки за минување на затворен сигнал – црвено светло, 20 санкции за прекршоци што ги чинат пешаците.
„Сообраќајните контроли продолжуваат и во наредните денови“, велат од МВР.
Црна хроника
Нападнати малолетници на автобуска постојка во Скопје
Во СВР Скопје вчера било пријавено дека околу 14.00 часот на автобуската постојка на подрачјето на Центар во Скопје, неколку лица физички нападнале четири малолетници и им одзеле повеќе предмети.
Полицијата соопшти дека се преземаат мерки за расчистување на случајот.
Црна хроника
Оштетиле инвентар во кафеана, запалиле возило кое на сила го одзеле, се заканувале на полицаец: уапсени неколку лица од Прилепско
Синоќа во 23.30 часот во с.Кривогаштани, полициски службеници од Полициското одделение Кривогаштани ги лишиле од слобода М.Ј.(33) од с.Крушеани, З.К.(35) од с.Кривогаштани, М.М.(55) од Прилеп и С.Л.(56) од Прилеп.
Тие се сомничат дека претходно во угостителски објект во с.Кривогаштани, сопственост на Б.Ѓ.(27) од с.Годивље, оштетиле дел од инвентарот, а подоцна запреле патничко возило „бмв” со прилепски регистарски ознаки, кое го управувал Б.Ѓ, со употреба на сила му го одзеле, го однеле на ул.„Илинденска“ и го запалиле.
Пожарот бил локализиран од екипа на Територијалната противпожарна единица Кривогаштани, а повредени лица нема.
Во врска со настанот, на 21.05.2024 во 03.50 часот во ОВР Прилеп било пријавено дека на 20.05.2024 околу 23.30 часот М.М. и З.К. агресивно се однесувале кон командир на Полициското одделение Кривогаштани и му упатувале закани, додека тој извршувал службени дејства.
МВР соопшти дека по целосно расчистување и документирање на случајот, против лицата ќе бидат поднесени соодветни пријави