Европа
Кучиња тренирани да откријат ковид-позитивни лица во Романија
За првпат во Романија, специјално тренирано куче успешно откри заразен патник со коронавирус.
Тој слета од Мадрид на меѓународниот аеродром во Сибиу, рече полковникот Даниел Челси, генерален директор на Управата за јавно здравје.
„Тренираното куче го откри првиот патник кој, како што се испостави, имаше позитивен резултат на брзото тестирање за коронавирусот. Патникот беше пренесен со брза помош во ургентниот центар за дополнителни, специјализирани тестови, по што ќе мора да отиде во самоизолација. Откриено е дека ги примила двете дози од вакцината против Ковид 19“, изјави Челси.
Полициското куче открило и друг патник кој пристигнал од Мадрид со истиот авион во петокот вечерта, но тестирањето покажало дека тој не бил позитивен, пренесуваат романските агенции.
Меѓународниот аеродром Сибиу е единственото место во Романија каде се користат кучиња тренирани за откривање на заразени со коронавирусот, соопштија локалните власти.
Тие уверуваат дека не постои опасност кучињата да ги гризнат патниците и дека овие тренирани животни не претставуваат опасност за луѓето кои се алергични бидејќи не доаѓаат во директен контакт со патниците, туку процесот се врши преку специјална заштитна бариера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.