Црна хроника
Уште двајца притвореници од случајот „Пајажина“ во куќен притвор
Уште двајца притвореници од случајот „Пајажина“ се пуштени во куќен притвор поради здравствени проблеми
Кривичниот суд денеска одлучил на Ѓултен Џемаили и на братот на Велија Рамковски, Амди Рамковски да им го замени притворот со домашeн. Доколку Oбвинителството не поднесе жалба на ова решение, двајцата притвореници ќе бидат дома.Управителката Џемаили беше оперирана поради напад на слепо црево, а братот на Велија боледувал од срце.Сега во домашен притвор се наоѓаат петмина од вкупно 14 притворени во овој случај. Во притворот во Шутка останаа деветмина.Адвокатите поднесоа жалби поради продолжениот притвор на осомничените. Кривичниот совет треба да одлучува и за притворот и за блокираните сметки на фирмите на „Перо Наков“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.