Спорт
ЛШ: Динамо направи подвиг во Полска, Лудогорец го исфрли Олимпијакос
Динамо Загреб стигна до минимална, но клучна 1:0 победа на гостувањето кај Легија Варшава за да се квалификува во баражот за влез во Лигата на шампиони, каде што ќе се судри со молдавскиот Шериф Тираспол, откако тие успеаја да ја елиминираат Црвена звезда и да спречат пресметка на двата екс-ју гиганти.
Човек на одлука беше Бартол Фрањиќ, кој уште во 20. минута ги донесе „модрите“ во водство, кое беше доволно за пласман, откако во Загреб беше 1:1. Македонскиот репрезентативец Стефан Ристовски беше стартер на мечот, додека Аријан Адеми, не се опорави доволно од повредата и остана на клупата.
Најдраматично беше во Разград, каде што бугарскиот шампион Лудогорец во луд меч на пенали го елиминираше фаворизираниот Олимпијакос. Откако првиот меч во Грција заврши 1:1, и во Бугарија беше нерешено (2:2), а бидејќи веќе не важи правилото гол-на-гости, се играа продолженија. Во пенал-серијата, Коку и Валбуена утнаа пенал за Олимпијакос за 4:1 победа и дуел со Малме, кој го елиминираше Глазгов Ренџерс.
Фаворитите ПСВ Ајндховен, Шахтјор, Бенфика и Монако запишаа по втори победи за лесен пласман во клучниот бараж.
ЛИГА НА ШАМПИОНИ, 3.КВАЛИФИКАЦИСКО КОЛО, РЕВАНШИ
Шахтјор Доњецк (Укр) – Генк (Бел) 2:1, прв меч 2:1, вкупно 4:2
Лудогорец (Буг) – Олимпијакос (Грц) 2:2, прв меч 1:1, вкупно 3:3, 4:1 на пенали
Митјиланд (Дан) – ПСВ Ајндховен (Хол) 0:1, прв меч 0:3, вкупно 0:4
Монако (Фра) – Спарта Прага (Чеш) 3:1, , прв меч 2:0, вкупно 5:1
Јанг Бојс (Шва) – ЦФР Клуж (Ром) 3:1, прв меч 1:1, вкупно 4:2
Бенфика (Пор) – Спартак Москва (Рус) 2:0, прв меч 2:0, вкупно 4:0
Легија Варшава (Пол) – Динамо Загреб (Хрв) 0:1, прв меч 1:1, вкупно 1:2
Ренџерс (Шко) – Малме (Шве) 1:2 , прв меч 1:2, вкупно 2:4
БАРАЖ ЗА ВЛЕЗ ВО ЛШ
Ред Бул Салцбург (Авт) – Брондби (Дан)
Монако (Фра) – Шахтјор Доњецк (Укр)
ПСВ Ајндховен (Хол) – Бенфика (Пор)
Јанг Бојс (Шва) – Ференцварош (Унг)
Малме (Шве) – Лудогорец (Грц)
Шериф Тираспол (Мол) – Динамо Загреб (Хрв)
ЛЕГИЈА – ДИНАМО (З)
ЛУДОГОРЕЦ – ОЛИМПИЈАКОС
МОНАКО – СПАРТА (П)
БЕНФИКА – СПАРТАК (М)
МИТЈИЛАНД – ПСВ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мурињо стигна во Истанбул, на чекор е oд Партизан
Португалскиот фудбалски стручњак Жозе Мурињо и официјално стана нов тренер на Фенербахче.
Двегодишниот договор Мурињо го потпиша пред неколку десетици навивачи на стадионот на Фенербахче „Шукур Сарачоглу“ во Истанбул.
„Сакам да ви се заблагодарам за љубовта што ја чувствував од првиот момент кога моето име првпат се поврзуваше со Фенербахче. Обично тренерот се сака по победата, но во овој момент чувствувам дека сум сакан уште пред да победам. Тоа е голема одговорност. Од овој момент припаѓам на семејството на Фенербахче“, изјави Мурињо, а пренесува „Скај Спорт“.
🟡🔵 Jose Mourinho, Fenerbahçe taraftarını selamladı! #beINSPORTS pic.twitter.com/adl2fXeCKy
— beIN SPORTS Türkiye (@beINSPORTS_TR) June 2, 2024
Во својата тренерска кариера Мурињо од клупата ги водеше Порто, Челзи, Интер, Реал Мадрид, Манчестер Јунајтед, Тотенхем и Рома.
Како тренер освои две Лиги на шампиони (Порто, Интер), две Лига Европа (Рома, Манчестер Јунајтед) и Конференциска лига (Рома), а освои и трофеи во првенствата на Шпанија (Реал Мадрид), Англија (Челзи), Португалија (Порто) и Италија (Интер).
Со Фенер ќе играат во квалификациите за Лигата на шампионите, а во второто коло ќе играат против српскиот претставник Партизан или швајцарски Лугано.
Спорт
Грците со Адетокумбo во составот во борбата за Париз
Кошаркарската репрезентација на Грција со полни сили ќе настапи на квалификацискиот турнир во Атина за пласман на Олимписките игри.
Главната ѕвезда на репрезентацијата Јанис Адетокумбо го потврди своето учество и ќе му биде на располагање на селекторот за решавачките игри кои можат да им донесат на Грците пласман на Олимписките игри.
Покрај Адетокумбo меѓу Грците ќе бидат и Митоглу, Папаџанис, Папаниколау, Папапетроу, Слукас и многу други.
Грција за виза за Париз ќе се бори со претставниците на Доминиканската Република Словенија, Хрватска и Нов Зеланд.
Спорт
Доминација на Бањаја во Муџело
Франческо Бањаја, актуелниот сбетски првак го комплетираше совршениот викенд на трката за Големата награда на Италија. Пеко вчера победи во спринтот, а попладнево беше најдобар и во главната трка. Извонредниот викенд на Дукати на домашен терен во Муџело го надополни вториот возач Енеа Бастијанини во спектакуларен финиш дојде до втрата позиција.
бањаја ГН на Италија ја започна од петтата позиција, но имаше фантастичен старт и се проби до првата позиција по само три свиоци. Најголемиот ривал на Бањаја, Хорхе Мартин, го следеше во текот на целата трка.
Долго време водеа Бањаја, Мартин и Маркез, а ги следеа Бастианини и Акоста и се чинеше дека трката така ќе заврши. Сепак, спектакл на крајот приреди Енеа Бастианини.
На четири круга до крајот го престигна Маркез, а во последниот свиок успеа да излезе и пред Мартин.
На крајот Бањаја беше прв, а топ 15 ги комплетираа Бастианини (Дукати), Мартин (Прамак), Марк Маркез (Гресини), Акоста (ГасГас), Морбидели (Прамак), Ди Џанантонио (ВР46), Вињалес (Априлија), Алекс Маркез (Гресини), Биндер (КТМ), Алеиш Еспаргаро (Априлија), Фернандез (Трехаус Рејсинг), Бецеки (ВР46), Оливеира (Трехаус Рејсинг), Ринс (Јамаха).