Свет
Наспроти драматичните слики, ред и дисциплина во Индија, коронавирусот ставен под контрола
Драматичните слики што доаѓаа од Индија, во кои луѓето заразени со коронавирус умираат во редици пред болниците, сега се минато.
Благодарение на сериозната програма за вакцинација и дисциплината на граѓаните, епидемиолошката состојба во таа земја сега е под контрола.
Ова најдобро се илустрира со фактот дека дневно се забележува само двоцифрен број заразени лица во главниот град Њу Делхи, а пред неколку дена се прослави роденденот на премиерот Нарендра Моди и во текот на тој еден ден дури 2,5 милиони луѓе се вакцинирани во Индија.
Граѓаните на оваа земја од која потекнува делта-сојот кој сега доминира во Европа, имаат на располагање неколку вакцини од различни производители, кои се бесплатни.
Но, освен дадената можност, тие имаат, можеби, нешто уште поважно – свесноста дека вакцинацијата е единствениот начин да се стави крај на коронавирусот, така што огромното мнозинство граѓани веќе се вакцинирани, пренесуваат медиумите во светот.
Покрај тоа, тие се многу дисциплинирани и ги почитуваат прилично строгите мерки што се применуваат во земјата, меѓу кои е носењето маска и на отворено и во затворен простор и држење дистанца.
Оваа дисциплина се гледа на секој чекор – на пример во сообраќајот, кој е доста хаотичен и густ во Делхи, во автомобилите на луѓе кои носат маски додека возат, сами или во друштво, дури и во традиционално возило „тук -тук“ каде не можат да се видат ниту возачи ниту патници без маски.
Дел од жителите предупредуваат дека помладите треба да бидат внимателни, да држат дистанца, да носат маски, додека властите прават најдобро што можат за граѓаните.
„Не требаше да мислиме дека коронавирусот го нема. Треба да се држи дистанца, да се носат маски и сите да се вакцинираат. Тоа е сè што можеме да направиме“, велат дел од жителите на Индија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп за апсењето на Ендрју: „Мислам дека тоа е срамота, многу е тажно“
Американскиот претседател Доналд Трамп го коментираше апсењето на Ендрју Маунтбатен-Виндзор, оценувајќи дека станува збор за срамота за британското кралско семејство.
„Мислам дека тоа е срамота. Многу е тажно. Тоа е толку лошо за кралското семејство. Навистина ми е многу, многу тажно“, изјави Трамп.
Тој изрази жалење и за последиците што случајот може да ги има врз кралот Чарлс III, за кого рече дека е фантастичен човек и дека наскоро треба да ги посети САД.
На прашање дали слични апсења може да се случат и во САД, Трамп избегна директен одговор и повтори дека е целосно ослободен од каква било вина поврзана со случајот на Џефри Епстин.
„Јас сум на некој начин експерт за тоа бидејќи сум целосно ослободен од обвиненијата“, рече Трамп, додавајќи дека аферата била искористена за да му се нанесе политичка штета.
Свет
Поранешниот принц, Ендрју, пуштен од полициски притвор, но и натаму под истрага
Ендрју Маунтбатен-Виндзор е ослободен од полициски притвор по неговото апсење под сомнение за злоупотреба на јавната функција.
Поранешниот принц беше приведен од полицајците за време на рација во 8 часот наутро во неговиот нов дом во Вуд Фарм, на имотот Сандрингем, објави „Дејли Меил“.
Полицијата појасни дека истрагата против Ендрју е во тек, иако тој е ослободен.
Поранешниот војвода од Јорк беше уапсен во врска со наводите дека му пренел чувствителни информации на осудениот финансиер и педофил, Џефри Епстин додека дејствувал како трговски претставник на британската влада.
Братот на Ендрју, кралот Чарлс III, не бил однапред предупреден за апсењето, се дозна денес. Тој изјави дека „законот мора да се почитува“ и повика на „фер судење“.
Свет
(Видео) Трамп за претседателот на Парагвај: Млад и згоден, но јас сакам жени
Денеска беше одржан првиот состанок на Одборот за мир на Доналд Трамп, на кој говореше и американскиот претседател. Покрај заканите упатени до Иран и планот за Газа, тој го коментираше и физичкиот изглед на 47-годишниот претседател на Парагвај, Сантијаго Пења.
„Млад, згоден човек. Секогаш е убаво да се биде млад и згоден. Тоа не значи дека мора да го сакаме. Не сакам млади, згодни мажи. Сакам жени. Мажите воопшто не ме интересираат“, рече Трамп.
Trump: Young, handsome guy. Always nice to be young and handsome. Doesn’t mean we have to like you. I don’t like young, handsome men. Women I like. Men I don’t have any interest. pic.twitter.com/E7P1qhExyp
— Acyn (@Acyn) February 19, 2026
За време на основачкиот состанок во Вашингтон, Трамп испрати и порака до Иран дека мора да постигне „суштински договор“ за запирање на својата нуклеарна програма или, како што рече, „ќе се случат лоши работи“.
Тој додаде дека други земји веќе придонеле со повеќе од седум милијарди долари за помош за Газа во рамки на иницијативата на Одборот за мир.

