Црна хроника
Уапсена нова група полицајци и цариници на „Ќафасан“
Уште една група од 16 полицајци и тројца цариници се сомничат за барање и примање поткуп на граничниот премин „Ќафасан“
Портпаролот на Министерството за внатрешни работи, Иво Котевски, за Макфакс потврди дека групата полицајци, коишто се уапсени во рамките на операцијата „Бумеранг“, работеле како организирана група и тие ќе бидат изнесени пред истражен судија во Кривичниот суд во Скопје.Покрај полицајците уапсени се и тројца царински службеници, кои работеле индивидуално. Секој поединечно барал и земал поткуп на граничниот премин „Ќафасан“.Цариниците се предадени на судот во Струга.Денешното апсење е спроведено во рамки на акцијата „Бумеранг“, во којашто досега на граничниот премин „Табановце“ беа приведени околу 40 полицајци, осомничени за барање и примање поткуп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж падна во отворена шахта во Скопје, бил пренесен во болница
Вчера во 13.05 часот во СВР Скопје било пријавено дека на подрачјето на Центар, С.К. од Скопје паднал во отворена шахта и се здобил со повреди, по што бил пренесен во здравствена установа за укажување на лекарска помош.
Излезено било на местото на настанот од полициски службеници од СВР Скопје.
Црна хроника
Судир меѓу две возила на „Цветан Димов“, скопјанец е тешко повреден
Скопјанец е тешко повреден во судрир меѓу две возила во Скопје.
– На 30.04.2024 во 12.35 часот во СВР Скопје било пријавено дека на ул.„Цветан Димов“ во Скопје се случила сообраќајна несреќа помеѓу патничко возило „форд“, управувано од Ј.Р.(51) од Скопје и патничко возило „фолксваген“, управувано од Б.Р.(67) од Скопје, двете со скопски регистарски ознаки. Во несреќата со тешки телесни повреди се здобил Б.Р., констатирани во Градската општа болница „Св.Наум Охридски“, информираа од полицијата.
Црна хроника
Удрена пензионерка во Скопје, со тешки повреди е пренесена во болница
Вчера во 14.20 часот во СВР Скопје било пријавено дека на ул.„Јустинијан Први“ во Скопје товарно возило „форд“ со скопски регистарски ознаки, управувано од А.М.(32) од Скопје удрило во пешакот Љ.В.(73) од Скопје.
Во несреќата Љ.В. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.