Спорт
Херојот од Сочи, Лендо низ солзи призна: Јас сум виновен, не го слушав тимот
Лендо Норис со солзи во очите призна дека згрешил што останал на патеката откако почна да врне дожд на Руското ГП во Сочи, откако во сурова завршница му избега првата победа во кариерата, дозволувајќи му на Луис Хамилтон да стигне до својот 100. триумф.
Норис, како и сите возачи добија предупредување од своите тимови дека е потребно да влезат во бокс на четири круга пред крајот кога дождот во Сочи се засили, но тој им порача на своите механичари да „замолчат“ во обид да остане на патеката и со мазни гуми да стигне до славен триумф. Наместо тоа, тој имаше проблеми да го контролира болидот и потоа по влегувањето во боксот заврши како шести.
Мала утеха за него беше тоа што беше прогласен за возач на денот, и што го освои дополнителниот поен за најбрз круг.
„Не знам каде да почнам. Навистина сум уништен. Тоа што останав на патеката беше навистина лоша одлука. Но, јас ја направив, иако од тимот ми велеа да влезам во бокс“, изјави Норис по трката.
Moment of silence for Norris’ podium hope#f1 #RussianGP #landonorris pic.twitter.com/GA8PfYAtSf
— the painter85 (@MsPainter85) September 26, 2021
Class from Lando #RussianGP #F1 pic.twitter.com/5R8gpih9QZ
— Formula 1 (@F1) September 26, 2021
Not his day in the end…
But @LandoNorris was your #F1DriverOfTheDay ?#RussianGP #F1 pic.twitter.com/X9pmooAwXd
— Formula 1 (@F1) September 26, 2021
Ризикот на рускиот дожд не му се исплатеше на Лендо, Хамилтон со 100. победа!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.