Спорт
Тадиќ насмеан пред дуелот со Португалците: Да ставиме шлаг на тортата
Квалификациите за пласман на СП се пред крај, а Португалија и Србија утре во директен дуел ќе одлучуваат кој директно ќе ја завери визата за Катар 2022.
На Роналдо и другарите им е доволен бод во Лисабон, а избраниците на Драган Стојковиќ мора да триумфираат ако сакаат да го избегнат баражот.
Еден од најдобрите српски фудбалери во квалификациите, Душан Тадиќ (Ајакс) на прес-конференција пред утрешниот меч насмеан и со многу оптимизам пред португалските новинари.
„Имаат Португалците добри поединци, Кристијано Роналдо е еден од најдобрите во светот. Тука се Бернардо Силва, Рубен Дијаш, Жозе Фонте. Не обрнуваме многу внимание на тоа што дефанзивецот Пепе нема право на настап, има Португалија добри поединци на таа позиција. Ќе се обидеме да го неутрализираме нивниот квалитет. Ќе биде вистинска борба на теренот, публиката ќе ужива“ рече Тадиќ.
Тој вели дека го врзуваат убави спомени од Лисабон. Тој дополнително ги збуни домашните новинари откако рече дека „орлите“ дошле да уживаат и да бидат насмеани.
„Имам убави спомени од овој град, со клубот неодамна го победив Спортинг со 5-1, а против Бенфика овде игравме пред 3 години, беше 1-1, постигнав гол. Наше е да се препуштиме, да уживаме, да бидеме насмеани и да видиме кој е подобар“ вели капитенот на српската репрезентација.
Тој упати пофалби и за селекторот Драган Стојковиќ Пикси.
„Откако `мистер` дојде на селекторската позиција, се чувствува нова енергија. Се врати култот на репрезентацијата, играме добро и атрактивно, народот тоа го препозна. Нашата екипа во квалификациите ја краси заедништво, се врати вербата во српскиот фудбал и утре треба само да ставиме шлаг на тортата“ рече Тадиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.