Европа
Идентификуван Словенецот уапсен во Италија за регрутирање џихадисти
Словенечкиот државјанин кој во неделата беше уапсен во соседната Италија под обвинение дека учествувал во меѓународна терористичка организација и дека на италијанска територија радикализирал потенцијални борци за џихадистите во војната во Сирија, е 26-годишниот Рок Жавби, пренесуваат во понеделникот словенечките медиуми, повикувајќи се на весникот Il Piccolo од Трст.
Италијанскиот министер за внатрешни работи Анџелино Алфано во неделата вечерта ја објави информацијата дека тамошните безбедносни сили уапсиле словенечки државјанин осомничен за учество во терористичка група и регрутирање потенцијални борци.
Алфано во Милано рече дека во рамките на нова полициска операција против терористичките закани, а во соработка со полицијата на Словенија, во областа којашто е под надлежноста на правосудните власти на Венеција е уапсени 26-годишен словенечки државјанин кој веќе се борел на страна на џихадистите во Сирија, а во Италија барал нови борци за терористичките групи на Блискиот исток.
Според Алфано, ова и некои други апсења во Италија од крајот на минатиот и почетокот на овој месец укажуваат на можни конкретни терористички закани за земјата и истовремено ја покажала подготвеноста на италијанските безбедносни служби да се соочат со овој проблем.
Според италијанските медиуми, станува збор за терористичка операција којашто беше започната кон крајот на минатата годија, а деновиве резултираше со депортирање од Италија на двајца македонски државјани, кои се соочија со слични обвиненија како и сега уапсениот словенечки државјанин.
Кон крајот на февруари македонски државјанин, осомничен дека во Италија регрутирал кандидати за џихад, беше уапсен во Местре, во близина на Венеција, во операција на специјалните сили на карабинерите ROS. Мажот, чиешто име не беше објавено бил задолжен од босански имам да регрутира идни борци за екстремната сунитска група Исламска држава на Блискиот исток.
На македонскиот државјанин му е одреден притвор а надзорот на ROS овозможил „проверка на фактите дека македонскиот државјанин бил задолжен за селекција и регрутирање на италијанската територија на лица кои би сакале да станат муџахедини, кои потоа требало да му бидат доверени на босанскиот имам кој се грижел за нивното радикализирање, вклучување во терористичка организација и испраќање во зоните на конфликтот“ на Блискиот исток.
Во рамките на истата таа истрага за спречување исламистичка радикализација во Италија последните неколку месеци беа протерани други двајца македонски државјани, коишто се именувани како Арслан Османоски и Реџеп Лијмани. Според сознанијата, истрагата покажала дека од Италија во Сирија најверојатно преку оваа врска заминале неколку странски борци, двајца македонски и еден босански државјанин, од кои двајца загинале на боиштето во периодот меѓу 2013 и 2014 година, додека третиот наводно сé уште се наоѓа во зоната на борбите на Блискиот исток.
Османоски живеел во Парденоне, и во неговата куќа биле пронајдени џихадистички пропагандни материјали, и е обвинет дека имал улога во синџирот за регрутирање радикални лица. Лијмани, кој живеел во местото Сан Зеноне дели Езеилни, во близина на Тревизо, пак, бил обвинет дека исто така контактирал со лица со екстремистички ставови од балканско потекло вршејќи вехабистичка пропаганда.
Словенечката полиција сé уште не објави информации за овој случај, а италијанскиот весник Il Piccolo пишува дека станува збор дека уапсениот осомничен за тероризам е 26-годишниот медицински техничар од Камник, Рок Жваби. Тој пред повеќе години преминал во ислам, а во текот на 2014 година престојувал во Сирија.
Во тој период, кога словенечките медиуми опширно пишуваа за опасноста од тероризмот и учеството на словенечките државјани во судирите на Блискиот исток, Жваби ви неколку појавувања во медиумите негираше дека се борел на страна на џихадистите, и тврдеше дека во Сирија работел во екипа на брза помош од хуманитарни причини, а не како борец на боиште.
Весникот Il Piccolo во понеделникот пишува дека според податоците на словенечките разузнавачки служби, во Сирија на страна на единиците кои се борат против владата на претседателот Башар ал-Асад загинал најмалку еден борец од Словенија. Станува збор наводно за извесен Јура Корелц кој исто така пред заминувањето во Сирија преминал во ислам, а загинал во април 2014 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.