Црна хроника
Дали криминалот оди заедно со проблемите на државата?
Голема невработеност, мала понуда на работни места, тешка материјална положба, борбата за преживување, немањето редовен приход и квалитетен живот, се само дел од причините за се поголемата небезбедност на граѓаните, честите вооружени грабежи и убиства, сметаат криминолозите
од Фросина Факова
„Криминалот и стравот од криминалот се сериозни закани за стабилната социјална клима во градовите, одржливиот економски развој, квалитетот на животот и човековите права. Несигурноста влијае на несиромашните уште поинтензивно, ги кине социо-културните врски и води кон создавање на урбани гета и стигматизирани делови во градовите“ смета Марјан Богданоски, професор на Факултетот за детективи и криминалистика при Европскиот универзитет.Нарушена ли е безбедноста на граѓаните и како ќе се одрази стравот и притисокот од несигурното живеење? Вакви прашања се наметнаа по се позачестените грабежи на банки, кои досега беа без жртви. Но вчерашниот напад на комбето на „Македонија пат“ заврши со убиство.Се почести се и убиствата кои се случуваат за банални причини. Граѓаните не се чувствуваат безбедно. „Секој ден убиства, грабежи“, коментираа тие.Веќе не е новост, колегата да ти впери пиштол во глава. Минатата недела имаше и такви случаи, кога доктор, со 17 убоди на нож, ја закла директорката на Заводот за рехабилитација во Козле. Во четвртокот скопјанец кој бил должен, решеташе од Бутел до Кисела вода.Вчера, пак, две маскирани вооружени лица кај наплатната рампа, „Петровец“ со цел да го ограбат, нападнаа комбе на „Македонија пат“. Возачот не застанал, по што напаѓачите со калашникови во раце го изрешетаа комбето. Совозачот беше убиен, а возачот, ранет возел се со населбата „Автокоманда“. Наместо во полициската станица „Гази баба“ стигнале до блиската експозитура на Стопанска банка, каде побарале помош.Комбето на Македонија пат возело необезбедено. Ова е втор пат да има убиени во грабеж при транспорт на пари, откако пред две години убиено едно лице вработено во Агенцијата за обезбедување „Оса“, кој го обезбедуваше џип на Комерцијална банка. Управата на „Македонија пат“ утре ќе има состанок со службата за пренос на пари за да ги договори понатамошните активности за зголемување на безбедноста на вработените.„Досега не сме побарале обезбедување при транспортот на пари, бидејќи секојдневно пренесуваме и немаме законска обврска за такво нешто. Лицата ги пренесуваат парите по сите законски прописи“ вели Горан Стојковиќ, Директор на „Македонија пат“.Убиениот Горан Илиќ, 20 години работел во „Македонија пат“, како обезбедување со лиценца.Од почетокот на годинава на територијата од Македонија се случиле 13 убиства и девет грабежи на банки, во споредба со минатата година, кога цела година се случиле вкупно 36 убиства и околу десетина грабежи на банки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.