Црна хроника
Тигар усмрти вработена во британски ЗОО парк
Вработена во лондонската зоолошка градина во британската грофовија Камбрија, е тешко осакатена во напад на тигар во петокот, по што починала, објави локалната полиција во саботата.
Според сопственикот на зоолошката градини, Дејвид Гил, 24-годишната Сара Меклеј била нападната во петокот во оградениот простор за дивите мачки во зоолошката градина „South Lakes Wild Animal Park“ во местото Далтон-ин-Фарнес во северозападна Англија, со што самата ги нарушила правилата за безбедност, пренесува BBC.
„Не можеме да знаеме зошто таа влегла внатре, не му кажала никому. Немаше причина да влезе таму“, изјавил сопственикот. Додал дека нема никакви мерки да се преземат кој тигарот, зашто однесувањето на предаторот било сосема очекувано, животното само го следело својот иснтинткМладата жена која потекнувала од спомнатата грофовија била пренесена со хеликоптер во болница, но таму им подлегнала на тешките повредите. Полицијата и локалните власти отвориле истрага за да ги расветлат околностите во кои дошло до трагедијата.
Според полицијата тигарот по нападот бил затворен во неговото живеалиште во зоолошката, а посетителите не биле во опасност за време на инцидентот. Паркот бил веднаш затворен, а посетителите замолени да го напуштат.
Зоолошката градина во саботата повторно е отворена за посетителите. Зашто, според убедувањето на сопственикот, не постои опасност за безбедноста и животите на посетителите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.