Црна хроника
Криминална група „олеснувала“ банки со лажни документи
Криминална група составена од неколкумина скопјани и две штипјанки била фатена како „олеснува“ банки, земајќи кредити со фалсификувани документи, соопштуваат од МВР.
Организираната криминална група се занимавала со изработка на разни видови фалсификувани документи како М1 и М2 обрасци за вработување, потврди за вработување во разни фирми, сметки за комунални давачки, ПДД-МП образец за пресметка на исплатувач на плати за пресметан персонален данок итн. Овие фалсификувани документи, биле употребувани од членовите на групата или од други „заинтересирани“ лица, за нелегално да се стекнат парични средства, како и за да добијат разни видови кредити на кредитни картички во повеќе банки во РМ, кои без фалсификуваните документи, не би можеле да ги добијат.Членовите на криминалната група се стекнале со незаконит профит по основ на сторено кривично дело „измама“ во износ од 2.601.600 денари, потоа нелегален профит по основ побаран и добиен процент од граѓани во висина од 232,075 денари – процент за секое одобрено право добиено врз основа на фалсификувани исправи. По основ на нелегални активности (измами, процент и незаконски стекнато право) оствариле нелегален профит во висина од вкупно 3.287.675 денари. Исто така со своето незаконито постапување овозможиле останатите пријавени да се стекнат со право и незаконита имотна корист во износ од 1.276.500 денари, соопштуваат од МВР.Организатор и лидер на оваа криминална група била С.Ф. која организирала, договарала, учествувала во изготвување на документи, носела апликации во филијалите на банките, присуствувала на средби и подигала пари за завршени и незавршени услуги, ветувала добивање на кредити со што „измамила“ т.е. довела во заблуда повеќе лица. Таа воедно е и сопственик на фирмата „ВЕРИТАС ФОРТУНА“ која се користела за вршење на кривични дела, односно на компјутерите на фирмата биле изработувани фалсификуваните документи, а името на фирмата најчесто било впишувано во фалсификуваните исправи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.