Европа
Путин задоволен од средбата со Оланд
Рускиот претседател Владимир Путин изрази задоволство од разговорот во чиј фокус била ситуацијата во Украина со францускиот колега Франсоа Оланд кој траеше во саботата околу два часа на московскиот меѓународен аеродром Внуково – 2.
Рускиот претседател Владимир Путин изрази задоволство од разговорот во чиј фокус била ситуацијата во Украина со францускиот колега Франсоа Оланд кој траеше во саботата околу два часа на московскиот меѓународен аеродром Внуково – 2.
Францускиот претседател Франсоа Оланд, кој во Москва слета на пат за Казахстан, е првиот западен челник кој ја посети Русија откако започна украинската криза, особено откако црноморскиот полуостров Крим се присоедини кон Руската Федерација, што Западот го смета за нелегално руско анектирање на украинска територија.
Агенцијата Reuters јавува дека рускиот претседател Владимир Путин делувал нервозно пред средбата со Оланд.
„Господин претседател, одлучив дека треба да разговараме за проблемите поврзани со украинската криза“, рекол Оланд додавајќи оти се надева дека ќе биде постигнат напредок за ставање крај на украинската криза.
Во кусото обраќање пред новинарите, францускиот претседател не кажал дали во Москва допатувал со некој нов предлог за прекинување на судирите меѓу украинската армија и силите на рускојазичните бунтовници во југоисточна Украина, во кои од април годинава загинаа повеќе од 4.300 луѓе, според процените на Обединетите нации.
Оланд изјавил дека сака да зборува за некои прашања кои ги наведе Путин во своето обраќање во четвртокот во кој го обвини Западот дека сака да воспостави нова Железна завеса околу Русија. „Го слушнав вашиот говор пред неколку часа и мислам дека во еден момент мора да се отстранат пречките коишто не’ делат. Мислам дека можеме тоа да го сториме“, изјавил Оланд.
Путин изјавил дека е убеден дека кусата посета на Оланд може да помогне да се осигури напредок во кризата поради којашто Западот ѝ наметна санкции на Русија, а односите меѓу Москва и Западот се на најниско ниво од завршувањето на Студената војна од минатиот век. Притоа, рускиот претседател додал за медиумите дека на францускиот колега не му го поставил прашањето за испораката на носачот на хеликоптери од класата „Мистрал“ којашто руската страна го има платено, но Оланд под притисок на САД и НАТО го одложи испорачувањето на бродот.
„Ги споделивме информациите за она што се случува во Украина“, изјавил Путин, пренесе агенцијата ТАСС. Според него „и Франција и Русија се залагаат за итен прекин на крвопролевањето, за тоа да бидат најдени патишта за доближување на ставовите, вклучително и обновувањето на единствениот политички простор (на Украина)“.
„Се разбира, зборувавме за неопходноста да се обноват економските врски меѓу југоисточна Украина и нејзиниот остаток, затоа што и двата дела од таа територија си се неопходни меѓусебно, бидејќи значителен дел од енергијата на Украина се базира на источниот јаглен, да се обновата економските врски, односно да се испраќа јагленот и да се добива електрична енергија, тоа е неопходно да се стори за да се воспостави нормално функционирање на финансиските институции“, потенцирал Путин.
Рускиот челник изразил убеденост дека „сето тоа може да се постигне“, како и дека тоа треба да се случи „што е можно поскоро“.
Путин додал и дека со Оланд, покрај за украинската криза разговарале и за ситуацијата во Сирија, како и за иранската нуклеарна програма. „Разговаравме за различни теми, така што средбата беше многу конструктивна и суштинска“, заклучил рускиот претседател./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.