Спорт
Рангник сака 4 млади Германци во Јунајтед, Вирц прв на листата!
Ралф Рангник сака да направи „револуција“ во Манчестер јунајтед со трансфер на четири млади германски фудбалери кои сака да ги донесе на „Олд Трафорд“ без разлика дали ќе биде поставен како нов постојан менаџер на клубот, јавува „Сан“.
Прв на листата е тинејџерот Флоријан Вирц од Баер Леверкузен, на кого многумина му предвидуваат голема иднина како најдобриот германски фудбалер од средниот ред во последната деценија. Цената за 18-годишникот нема да биде мала, бидејќи „ѓаволите“ ќе треба да одвојат најмалку 70 милиони евра.
Вирц дебитираше пред својот 17-ти роденден за „фармацевтите“, а исто така стана најмладиот У-21 репрезентативец во историјата на Германија, а има договор со Леверкузен до 2026 година.
Другите три млади фудбалери кои ги посакува Рангник се Лука Нец, Ерик Мартел и Армел Бела-Кочап. 18-годишниот лев бек Нец, пристигна во Борусија Менхенгладбах во август по 15 настапи за Херта, 19-годишниот Мартел (игра на средина на теренот) е фудбалер на Лајпциг, а игра како позајмен во Австрија Виена, додека 20-годишниот Бела-Кочап, кој е централен бек беше еден од главните играчи на Бохум минатата сезона носејќи ги во Бундеслигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Салфетката на Меси на аукција достигна цена од 300.000 евра
Започна наддавањето за салфетката на која фудбалскиот клуб Барселона го напиша своето ветување дека ќе потпише договор со тогаш 13-годишниот Лионел Меси. Првите понуди достигнаа речиси 300.000 долари.
Договорот на салфетката е потпишан во декември 2000 година кога Карлес Рексач, тогаш спортски директор на Барселона, се договори со менаџерот Хорасио Гаџиоли, клубот да го ангажира аргентинскиот тинејџер кој подоцна стана најдобар играч и стрелец во клупската историја.
Наддавањето за документот, опишан од аукциската куќа Bonhams како „сино мастило на стандардна шпанска восочна салфетка“, достигна 220.000 фунти (околу 280.000 евра) набргу по отворањето на аукцијата, објави веб-страницата на аукционерот.
„Тоа никогаш не беше правно обврзувачко, но емотивно претставува длабока врска или почеток на длабока врска што Меси ја имаше со Барселона“, рече главниот маркетинг директор на Бонамс, Марк Сендс.
Меси и помогна на Барселона да освои 35 трофеи, со рекордни 782 настапи и 674 голови.
Лионел Меси ја напушти Барселона во 2021 година и сега игра за Интер Мајами.
Онлајн продажбата завршува на 17 мај.
Спорт
Каталес херој – Фенербахче избори место на завршниот турнир
Кошаркарите на Фенербахче обезбедија пласман на фајналфорот во Евролигата, тие го победија Монако во мајсторката од четвртфиналната, по едно продолжение со 80:79. Во регуларниот дел натпреварот заврши 70:70.
Фенербахче и первата екипа во историјата на Евролигата која успеала да го добие петтиот меч на гостински терен. Претходните 19 мајсторки завршувале со победи на домаќините.
Натпреварот во Монако беше исклучително израмнет и драматичен. Во регуларниот дел Вилбекин погоди тројка на влез во последната минута и му донесе на Фенер предност од четири поени, одговори Окобо со четири коша, но истиот играч не успеа со звукот на победа да погоди тројка за победа.
Во продолженијата херој на фенербахче стана Ник Калатес. Гркот кој погоди две тројки, втората на 18 секунди до крајот с која му донесе победа на Феенрбахче.
Калатес и Вилбекин беа најефикасни кај фенербахче со по 14 поени, Биберовиќ постигна 13, а Гудуриќ 10. Кај Монако најефикасен беше Мајк Џејмс со 20 поени, Мотејунас забележа 16 поени и седум скока, а Окоо постигна 15 поени.
Фенербахче во полуфиналето на завршниот турнир во Берлин, на 24.мај ќе игра против Панатинаикос.
Спорт
(Видео) Фиорентина од „белата точка“ до финалето во Конференциската лига
Фиорентина се пласира во финалето на Конференциската лига, откако вечерва во Бриж, против домаќинот одигра 1.1.„Виола“ првиот натпревар го доби со 3.2. Тимот на Винченцо Италијано го повтори успехот од минатата сезона, кога исто така се бореше за трофејот, но не успеа да го освои. Во финалето загуби од Вест Хем со 1:2.
Бриж ја анулира предноста на Фиорентина во 20.минута, кога Де Кујпер го совлада одличниот Терачано.
Куаме потоа ја погоди гредата, а во втроиот дел Бираги од слободен удар ја погоди гредата, а Куаме стативата.
На крајот човекот кој погоди во 92.минута, во првиот меч, Нзонзи избори пенал во 83.минута. Сигурен реализатор беше Белтран.
Противникот во финалето Фиорентина ќе го дознае утре, по реваншот Олимпијакос-Астон Вила. Олимпијакос го доби првиот меч во Бирмингем со 4:2.