Црна хроника
Контрадикторни изјави меѓу обвинетите во процесот „Ровер“
Тогашниот министер за внатрешни работи, Љубе Бошкоски ме извести дека дека ќе треба да се следи лице, но не ми кажа конкретно кој, додека деталите за тоа дека треба да се следи Марјан Тушевски ми ги соопшти Зоран Трајковски, тогашен шеф на обезбедувањето на Љубе Бошкоски.
Ова во четврток во Кривичниот суд го изјави тогашниот началник на Секторот за набљудување и документирање, Никола Нигриевски кој остана на исказот што го дал во истражна постапка.
Оваа негова изјава е контрадикторна со тврдењата на Зоран Трајковски пред судот, кој тврдеше дека тогаш немал никаква врска со секторот за набљудување и документирање, не давал никакви наредби и дека Нигриевски веќе бил запознаен дека токму Тушевски треба да се следи.
Нигриевски во својот исказ рече дека од инспектори слушнал дека Трајковски наредил да не се зборува ништо за убиството на Тушевски, но не знаеше да каже кои инспектори точно зборувале така.
Адвокатот на Нигриевски, Љупчо Веселиновски, пак, тврди дека нема никаква контрадикторност во изјавите меѓу Трајковски и Нигриевски.
„Сметам дека нема контрадикторност меѓу изјавата на Никола Нигриевски и изјавата на Зоран Трајковски во насока на тоа дека Никола Нигриевски како началник бил запознаен од страна на обвинетиот Бошкоски дека треба да се следи некое лице, а сите подробности ќе му ги каже Зоран Трајковски. Сето тоа е истото што го кажа Зоран Трајковски поради тоа што тие подробности се да се следи лицето Марјан Тушевски, објектот е следен два дена, првиот ден е утврдено каде престојува, а доколку зема рекет во Скопје да се извести Нигриевски и тој да ги извести службите, во тоа време ’матките’ да го уапсат за понатамошна обработка. Сметам дека нема никаква контрадикторност“ вели Веселиновски.
Бошкоски се товари дека како министер за внатрешни работи во тоа време му дозволил на сега веќе починатиот Орце Коруновски да нарача убиство за Тушевски. Марјан Тушевски и Кире Јанев беа убиени на 10-ти јули 2001 година кога излегувале од кафулето „ЗУ“ во скопската населба Капиштец.
Прво со 11 куршуми беше убиен Тушевски, а потоа напаѓачите пукале и кон Киро Јанев кој се обидувал да избега. За овој случај одговараат 15 лица, а четворица од нив се во бегство.//крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.