Црна хроника
Во автомобил изгореа мајка и ќерка близу Валандово
Мајка и ќерка, српски државјанки, загинале во сообраќајна несреќа во близина на Валандово, а возачот, таткото, останал жив, соопштува македонското МВР
На магистралниот пат Скопје – Гевгелија, кај место викано Каменот, валандовско се случи сообраќајна незгода во која патничко моторно возило Фиат Регата со српски регистерски таблички управувано од Н.И.(41), државјанин на Р Србија, од засега неутврдени причини удрило во sидана ограда покрај коловозот. По ударот автомобилот се запалил, а возачот успел да излезе од него. Но двете, сопатнички, неговите сопруга Драгана и ќерка Исидора изгореле во автомобилот.На местото на незгодата извршен е увид од екипа од полициската станица во Валандово, во присуство на Истражен судија и Јавен обвинител од Гевгелија, по чија наредба телата на починатите сопатнички се предадени за обдукција во Институтот за судска медицина во Скопје.Возачот Н.И. се здобил со телесни повреди и по укажаната лекарска помош во Медицинскиот центар во Гевгелија е пренесен на лекување во Градската болница во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Турчин со „хонда“ удрил во полицаец
Денеска во 02.50 часот, полициски службеници од ОВР Гостивар го лишиле од слобода О.Д.(28) од Република Турција затоа што со патничко возило „хонда” со скопски регистарски ознаки, кое го управувал, удрил во полициски службеник кој извршувал службени дејствија.
Тој е задржан во полициската станица Гостивар и по целосно документирање на случајот против него биде поднесена соодветна пријава.
Црна хроника
Го погодил проектил во нога додека собирал печурки
Маж од Велес собирал печурки и почувствувал убод во левата нога. По лекарски преглед, од коленото му бил изваден проектил од огнено оружје.
„Во СВР Велес вчера во 11 часот, 63-годишниот Д.Ј.од Велес, пријавил дека при собирање печурки во атарот на село Лисиче, Општина Чашка, почувствувал убод на левата нога, по што во Општа болница Велес му бил извршен преглед и од коленото му бил изваден проектил од огнено оружје“, информира денеска Татјана Ѓуровска од СВР Велес.
Таа додаде дека за настанот бил известен јавен обвинител од Основното јавно обвинителство Велес и дека се преземаат мерки за негово расчистување.
Црна хроника
Мигранти од Турција и Ирак најдени на автопат кај Неготино
Полициски службеници од ОВР Неготино пронашле тројца мигранти, двајца од Република Турција и еден од Ирак, соопшти Министерството за внатрешни работи (МВР).
Мигрантите се пронајдени рано утрово, во 02.15 часот, на автопатот А1 кај Неготино по што се предадени на Полициската станица за граничен надзор Михајлово за натамошна постапка.