Свет
Лавров по средбата со Блинкен: Следната недела од САД ќе добиеме писмени одговори
САД ќе ѝ дадат писмени одговори на Русија на барањата за безбедносни гаранции следната недела, изјави рускиот министер за надворешни работи, Сергеј Лавров, по средбата со американскиот државен секретар Ентони Блинкен во Женева.
Лавров нагласи дека Москва сака да чуе кои предлози имаат смисла, а кои немаат, и дека е важно сѐ да биде на писмено. Тој изјави дека рускиот претседател Владимир Путин може да донесе одлука доколку добие индивидуални одговори од Западот на понудите и контрапонудите на Москва.
Рускиот министер се пожали и дека НАТО во последно време работи против Русија истакнувајќи дека Русија никогаш не кажала дека ќе ја нападне Украина.
Blinken and Lavrov begin talks over Ukraine pic.twitter.com/kVBNk6dLxF
— Missy Ryan (@missy_ryan) January 21, 2022
Говорејќи на прес-конференција по средбата со Блинкен, Лавров рече дека се надева оти емоциите ќе се смират во врска со Украина и ги повтори тврдењата на Русија дека таа не претставува закана за нејзиниот поранешен советски сосед.
Лавров на почетокот на разговорите рече дека Москва очекува конкретни одговори на (нејзините) многу конкретни предлози, а американскиот државен секретар изјави дека не се надева оти денеска ќе ги премости разликите, пренесе „Ројтерс“.
Ова е трета средба меѓу Лавров и Блинкен, можеби и најважна, имајќи предвид дека се водат преговори за барањето на Русија за безбедносни гаранции дека НАТО нема да се прошири понатаму на исток, како и во пресрет на растечките тензии за Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.