Свет
Финска за еден месец ќе ги укине сите мерки
Финска од утре ќе започне со ублажување на ограничувањата воведени поради коронавирусот, а сите мерки ќе бидат укинати во рок од еден месец, изјави денеска премиерката Сана Марин.
Според веб-страницата на премиерот, граничните контроли за оние кои доаѓаат во Финска од шенген-зоната ќе бидат укинати од почетокот на февруари. Во моментов потребно е на граница да се покаже потврда за вакцинација, заедно со негативен резултат од тестот за корона.
Од утре во Финска ќе можете да влезете или со потврда за ковид или потврда за прележана болест или со потврда за негативен резултат од тестот не постар од 72 часа, пренесува „Интерфакс“.
Овој услов ќе важи за сите родени пред 2006 година.
Ќе се ублажат и мерките за ресторани и настани каде што ризикот од ширење на коронавирусот се смета за низок. Од почетокот на февруари рестораните наместо како досега до 18 часот, ќе можат да работат до 21 часот.
Послужувањето алкохол ќе мора да престане најдоцна до 20 часот, наместо до 17 часот, како досега. Баровите и маркетите ќе продолжат да затвораат во 18 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белоруски министер за надворешни работи: Украина се обидува да пренесе оружје на територијата на Белорусија за напад
Министерот за надворешни работи на Белорусија Сергеј Алејник изјави дека Украина често провоцира обиди за транспорт на оружје и експлозиви на белоруска територија, што може да се користи за терористички акти во Русија.
Алејник за РИА Новости изјави дека во текот на оваа и минатата година биле запрени 40 канали за транспорт на оружје и експлозиви од Украина на територијата на Белорусија и оценил дека тоа е загрижувачка информација.
Тој додаде дека Комитетот за безбедност на Белорусија неутрализирал 20 и притворил околу 30 диверзанти кои преминале од Украина во Белорусија и подготвувале терористички акти.
Свет
Во регионот Суми, високонапонски објект на Укренерга оштетен во руски напад
Високонапонскиот објект на Националната енергетска компанија „Укренерго“ е оштетен во рускиот напад со беспилотни летала и ракети врз регионот Суми во Украина.
„Меѓу оштетената цивилна инфраструктура е и високонапонскиот објект „Укренерга“. Екипите за поправка на „Укренерга“ работат на постепено враќање на снабдувањето со енергија на потрошувачите“, изјавил операторот, а пренесува „Укринформ“.
Во соопштението се додава дека руските напади врз енергетските капацитети во регионот Харков не престануваат и дека во неделата од безбедносни причини била исклучена опремата на локалната регионална енергетска компанија.
Регион
(Фото) Трагедија: Поради семејно насилство мајка со трите деца се фрлила в река во Албанија
Полицијата во Албанија соопшти дека мајка со три деца се фрлила во реката Бојана и дека нејзиниот маж е уапсен. Полицијата го уапсила Ергис Арази (31) поради насилство врз сопругата Алма Арази (39), која наводно се самоубила со трите деца. Децата беа на возраст од девет, шест и четири години, пишува Блиц, кој пренесува на порталот Euronews.al.
View this post on Instagram
По трагичниот настан, рибар го пронашол телото на 9-годишната ќерка, а надлежните се уште трагаат по телата на мајката и уште двете деца кои исчезнаа пред три дена. Полицијата наведува дека постои сомневање дека мајката го напуштила станот со децата бидејќи сопругот ги малтретирал. Тој додава дека Арази (31) и претходно бил осуден за обвиненија поврзани со дрога.