Поранешната директорка на А1 телевизија, Анета Кочишки и една од управителките на фирмите од „Перо Наков“, Невин Рауф се пуштени во домашен притвор

Вака одлучи Кривичниот совет, по жалбата на обвинителството, двете управителки да останат во истражниот затвор во Шутка. „Кривичниот совет на одделението за организиран криминал и корупција во врска со жалбата на ОЈО за гонење на организиран криминал и корупција Скопје против решението на истражниот судија на овој суд КИОК.бр.62/10 од 08.02.2011 година во истражниот предмет со работен наслов „Пајажина”, донесе одлука со која го потврди првостепеното решение со кое е определен куќен притвор спрема обвинетите А.К и Н.Р“ се вели во соопштението од Основниот суд 1.Одбраната бараше двете управителки да бидат преместени во домашен притвор поради влошената здравствена состојба.На оваа одлука обвинителството поднесе жалба, по што кривичниот совет одлучуваше повторно денеска. Во домашен притвор се наоѓа и една од притвореничките која го изгуби плодот во затворот.Кривичниот совет се уште нема одлучувано по жалбите за притворот на останатите притвореници од случајот „Пајажина“.Откако истражниот судија одлучи сметката на А1 телевизија да биде одблокирана, во судот е поднесен и предлог од обвинителството, кое што бара повторна блокада на сметката.