Црна хроника
Од тетовско казино ограбени 150 илајди денари

Околу 150 илјади денари ноќеска биле украдени од казино во Тетово, а по извршиениот увид, тетовската полиција превзема активности за откривање и пронаоѓање на сторителите
Во 3 часот и 30 минути, две засега непознати лица со црни „фантомки” на главите, од кои едното бил вооружено со ловечка пушка, а другото со пиштол, влегле во казиното „Гранд” на улица „Маршал Тито” во центарот на Тетово. На двајцата вработени и еден гостин, кои тогаш биле во казиното им наредиле да легнат на подот и да им ги дадат сите пари што ги имаат.Исплашени за својот живот, едниот од вработените, ја извадил малата торбичка што ја носел на појасот, а во која се наоѓале околу 150 илјади денари и ја оставил на масата за рулет. Разбојникот со пиштолот в рака ја зел торбичката, по што двајцата брзо го напуштиле објектот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.