Македонија
Свечено одбележување на 41-ата годишнина од формирањето на Специјалната антитерористичка единица „Тигар“
На платото пред базата на Специјалната антитерористичка единица ,,Тигар“, во касарната „Илинден“, во присуство на претседателот на Владата на Република Северна Македонија, Димитар Ковачевски, министерот за внатрешни работи Оливер Спасовски, заедно со највисокото раководство во МВР, како и високи претставници од Владата и Генералштабот на Армијата, полициски аташеа при амбасадите во земјава, семејствата на загинатите припадници на Единицата и бројни гости, соработници и пријатели на Специјалната антитерористичка единица ,,Тигар“ при Бирото за Јавна безбедност во МВР, свечено беше одбележана 41-ата годишнина од формирањето на оваа специјална единица.
„ Ми претставува чест и задоволство да бидам дел од овој настан со кој се одбележува Денот на формирањето на Специјалната антитерористичка единица ,,Тигар”.Станува збор за значаен ден од историјата на нашите безбедносни единици. Специјалната антитерористичка единица денес е синоним за обученост според највисоките стандарди кои ги налага борбата против тероризмот и сериозниот криминал. Припадниците на оваа единица се олицетворение на професионалност. Единицата ,,Тигар” како колектив, е збир на максимално посветени, врвно обучени поединци, со максимална храброст и подготвени да се спротивстават на секој предизвик кој може да биде закана за безбедноста на земјата и граѓаните. Со нашето членство во НАТО и на глобалната коалиција за борба против тероризмот, Северна Македонија го адаптираше воено-безбедносниот систем според стандардите на НАТО. Во таков систем според највисоките стандарди на алијансата, свое значајно место има и Специјалната антитерористичка единица, која е оспособена во борбата со насилниот екстремизам и тероризам да спроведува највисоки борбено-технички вештини“, рече претседателот на Владата Димитар Ковачевски во своето обраќање на одбележувањето на 41-ата годишнина од формирањето на САЕ ,,Тигар“.
Министерот за внатрешни работи Оливер Спасовски по повод чествувањето на Денот на САЕ ,,Тигар“ истакна: ,,Гордоста да се биде дел од одбележувањето на Денот на создавањето на нашата најреномирана полициска формација – Специјалната антитерористичка единица ‘Тигар’ е дотолку поголема што јас, како министер за внатрешни работи, имав задоволство минатата година, заеднички со припадниците на оваа единица, на овој ден – 13 март, да го одбележиме респектабилниот јубилеј од 40 години од формирањето, кога и ја промовиравме во Специјална антитерористичка единица ‘Тигар’ со нов амблем и знаме. Денеска, на прагот од петтата деценија, Единицата ‘Тигар’, од аспект на професионализмот и стручноста на нејзините припадници, претставува вистинска гордост не само на МВР, туку генерално на Република Северна Македонија. И во тоа сум длабоко уверен! Бидејќи следствено полициско-безбедносната пракса кај нас, во регионот и во светот, областа на специјалното оперативно полициско дејствување е еден од есенцијалните сегменти во полициското работење. Или, да бидам уште попрецизен, негов врвен, дури и елитен дел, како во организационен, така и во професионален поглед“.
Според министерот Спасовски, оваа специјализирана полициска служба, како една од најсложените во безбедносната структура на МВР, во име на специфичните, сложени задачи и динамични предизвици што пред неа се поставуваат во секојдневното работење, неопходно е секогаш да биде целосно подготвена, технички и кадровски опремена до перфекција.
,,Во претходните неколку години за припадниците на оваа Единица е обезбедена нова тактичка униформа за рурална и урбана средина со нов дезен, висококвалитетна спортска облека, вооружување и техничка опрема од типот на радиостаници и тактички комплети, набавени се интервентни возила, а добиено е и едно специјално возило за транспорт на службени кучиња. Заеднички успеавме да го изградиме стрелиштето овде, во касарната „Илинден“, со цел обезбедување услови за вежбовни активности на припадниците на Единицата заедно со колегите од полкот за специјални операции на АРСМ, го реновиравме и адаптиравме преземениот поранешен војнички клуб од Армијата и го пренаменивме во ресторантска сала за потребите на Единицата ТИГАР. Го уредивме ова плато на коешто сме, обновени се пристапните улици до базата на Единицата. Од аспект на подобрување на финансиско-социјалните услови, кое претставува приоритет за ова раководство на МВР, припадниците на ‘Тигар’ веќе редовно ги добиваат своите бонус плати за прекувремено изработени часови, редовно се вршат исплатите на патни трошоци за припадници кои живеат надвор од Скопје, како и исплатата на дневници за службени патувања, што претходно не било случај“, подвлече Спасовски.
Министерот Спасовски потсети дека оваа Единица претходниве неколку години беше дел од врвни обуки во земјава и во странство, во рамки на меѓународни и европски проекти, како онаа во Република Германија со Европската команда на американската војска – Зелени беретки, со специјалците – карабинери од Италија, со специјална единица „УРНА“ во Чешка, со австриската „КОБРА“, со француската „РАИД“, а секогаш посебен белег остава учеството на припадниците на оваа Единица во бројни тактичко-оперативни вежби со национален и меѓународен предзнак.
,,За сето ова говорат и резултатите на терен. Припадниците на ‘Тигар’ се неизоставен сегмент во оперативните акции на МВР, секогаш подготвени за најтешките спасувачки мисии, без нив речиси и да не може да помине поголема полициска акција за недозволена трговија со дрога, оружје, криумчари на мигранти, односно сите форми на сериозен и организиран криминал. Заедно со своите колеги од специјализираните оддели тие беа дел од бројни активности во кои за само два месеца се запленети 7 килограми хероин со вредност од речиси 300.000 евра, околу 1.2 тона психотропни супстанци за производство на амфетамин со вредност од околу 200 милиони евра, над 2 тона марихуана со вредност од над 4,5 милиони евра…“, потенцираше министерот Спасовски, честитајќи им го Денот на припадниците на САЕ,,Тигар“, со уверување дека оваа единица и во иднина ќе биде секогаш на висината на задачите, темелна и ефикасна во заштита на сето она што им е доверено по Уставот и законите.
Командантот на САЕ „Тигар“ Митко Даневски во своето обраќање рече: ,,Следејќи ги светските трендови, новите форми на дејствување на организираните криминални групи, радикализмот и насилниот екстремизам, а со цел да се даде ефикасен одговор преку спречување на истите, САЕ ‘Тигар’ континуирано се усовршуваше и модернизираше, за денес да можеме да кажеме дека Единицата претставува високопрофесионална, организирана и врвно опремена формација во рамки на МВР и безбедносниот систем во државата. Особено сакам да го истакнам фактот дека припадниците на САЕ ‘Тигар’ се одликуваат со висок степен на подготвеност, мотивираност и силна посветеност во извршување на своите задачи, а посебно место во историјата на нашата единица имаат припадниците, кои извршувајќи ја својата должност, на првите борбени линии, го дадоа и најдрагоценото – ги положија своите животи“.
Командантот Даневски порача дека САЕ„Тигар” беше и продолжува да биде чувар на уставниот поредок на државата, во борбата против тероризмот и организираниот криминал, гарантирајќи ги мирот, слободата и безбедноста на сите граѓани на нашата држава.
Во текот на свеченоста официјалните делегации им оддадоа почит на загинатите припадници на САЕ „Тигар“, положувајќи цвеќе на Спомен плочата, а беа доделени признанија, благодарници за соработниците, јубилејни плакети за 5, 15, 20 и 30 години во службата на припадници на Единицата, како и признание за најдобриот припадник за изминатата 2021 година, а присутните имаа можност да погледнат една тактичко-показна вежба на припадници на „Тигар“, насловена: „Упад во објект од воздух и копно“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Отворен нов регионален К9 центар за обука и сертификација со поддршка од Мисијата на ОБСЕ
Министерот за внатрешни работи Панче Тошковски денеска во Полицискиот центар Ѓорче Петров се обрати на отворањето на регионалниот К9 центар за обука и сертификација.
Отворањето на овој центар,м како што е соопшено е една од најзначајните активности во рамките на проектот „Поддршка на националните власти на РСМ во намалувањето на ризикот од пролиферација и злоупотреба на мало и лесно оружје“, проект што се имплементира со поддршка од страна на Мисијата на ОБСЕ во Скопје.
Тошковски на почетокот ја потенцираше одличната соработка помеѓу Мисијата на ОБСЕ во Скопје и Министерството за внатрешни работи, која е од огромно значење за развивање и спроведување на политиките за современ систем на безбедност.
„Овој регионален центар е многу значаен за Македонија, како од аспект на стратешко делување во рамки на министерството така од аспект и на оперативно делување на полицијата. Со овој комплекс реално ќе се зголеми капацитетот и на спроведување на голем број полициски активности кои се изведуваат со употреба на кучиња. Соработката којашто ја имаме со ОБСЕ е круцијална во подобрување на капацитетите на министерството во сите аспекти и преку големиот број заеднички проекти тој капацитет постојано се унапредува,“, нагласи Тошковски.
Тој истакна дека во претходните фази на овој проект е пренесено значително знаење и опрема кон министерството, како специјализирани возила и приколки наменети за службени кучиња, опрема за обука, возила и специјална опрема за деактивирање на огнено оружје, машина за маркирање и сертификати за деактивација на огнено оружје, како и изготвените документи за оперативни процедури, прирачници, упатства и медиумски кампањи.
„Преку великодушната финансиска поддршка од донаторската заедница, а особено од САД, Германија, Европската Унија, Франција, Белгија, Норвешка и Словачка, Проектот на Мисијата на ОБСЕ во Скопје за МАСО ја покажува нашата силна посветеност кон зајакнување на оперативните и капацитетите за детекција на оружје на полициската единица за кучиња трагачи. Мисијата на ОБСЕ е посветена на континуирана професионализација и развој на полициските единици за кучиња трагачи, фокусирајќи се на детекција на мало и лесно оружје”, рече Сусан Пенкса, заменик-амбасадорка на ОБСЕ Мисијата во Скопје.
Македонија
Распишани се конкурсите за наградите „Мито Хаџи Василев-Јасмин“ и „Мето Јовановски“
Денеска се распишани конкурсите за државните награди „Мито Хаџи Василев-Јасмин“ и „Мето Јовановски“ за 2024 година. Конкурсите траат од 1 до 31 октомври.
Со државната награда „Мито Хаџи Василев-Јасмин“ се оддава признание за остварувања во областа на публицистиката и новинарството.
Државната награда им се доделува на поединци, група творци, екипи, установи, трговски друштва и здруженија на граѓани.
Државната награда се врачува во Собранието на РСМ на 21 декември, денот на раѓањето на Мито Хаџи Василев-Јасмин.
Иницијатива за доделување на државната награда „Мито Хаџи Василев-Јасмин“ може да поднесат: установи, трговски друштва, здруженија на граѓани и граѓани.
Конкурсот трае од 1 до 31 октомври 2024 година.
Со државната награда „Мето Јовановски“ се оддава највисоко признание за долгогодишни остварувања во областа на промоцијата, заштитата и унапредувањето на човековите права. Наградата се доделува секоја година на 10 декември, Меѓународниот ден на човековите права.
Државната награда им се доделува на поединци, здруженија на граѓани, неформални групи и други правни субјекти.
Иницијатива за доделување на државната награда „Мето Јовановски“ може да поднесат здруженија на граѓани, граѓани, странски државјани, како и други правни субјекти во земјава и во странство.
Конкурсот ќе трае од 1 до 31 октомври 2024 година.
Македонија
Општина Аеродром собра 70-ина тони кабаст отпад во бесплатната акција
Општина Аеродром и Јавното претпријатие за комунални дејности на Општина Аеродром успешно ја спроведоа акцијата за бесплатно собирање кабаст отпад, при што од точно 41 локација, собрани се околу 70 тони отпад.
Акцијата почна кон крајот на јули и наиде на голем интерес кај аеродромци. Големи контејнери во текот на август и септември беа поставувани на различни локации низ целата општина според точно одреден распоред. Жителите навремено беа информирани кога и каде да го остават својот стар мебел и друга дотраена покуќнина, кои потоа беа собирани со механизација на Општина Аеродром.
Оваа акција беше спроведена со цел да им се излезе во пресрет на жителите бесплатно да го отстранат стариот мебел од своите домови. Со тоа придонесовме да се заштити животната средина од несовесно фрлање отпад, како и од создавањето лоша слика за Аеродром.
Општина Аеродром упатува апел до граѓаните да внимаваат како се однесуваат кон околината, затоа што инспекциските служби се постојано на терен, а секое несовесно фрлање отпад е казниво со закон.